کراچی( اے بی این نیوز ) کراچی میں سندھ ایمپلائز الائنس کے ملازمین نے احتجاج کیا تو پولیس نے مظاہرین کو منتشر کرنے کے لیے واٹر کینن کا استعمال کیا۔ آنسو گیس کی شیلنگ سے خاتون پولیس اہلکار بے ہوش ہو گئی جسے ہسپتال منتقل کر دیا گیا جب کہ 23 احتجاج کرنے والے اساتذہ کو گرفتار کر لیا گیا۔سندھ ایمپلائز ایسوسی ایشن کے ملازمین نے پریس کلب کے باہر شیلنگ کی، پولیس نے مظاہرین کو منتشر کرنے کے لیے واٹر کینن کا بھی استعمال کیا۔
مظاہرین پریس کلب اور پریس کلب چورنگی کے اطراف موجود ہیں۔ مظاہرین نے وزیر اعلیٰ ہاؤس کی طرف جانے کی کوشش کی۔ پولو گراؤنڈ کے سامنے پولیس نے مظاہرین کو روک دیا۔ٹریفک پولیس کا کہنا ہے کہ پی آئی ڈی سی سگنل سے ضیاء الدین احمد روڈ پر آنے اور جانے والی دونوں سڑکوں کو ٹریفک کے لیے بند کر دیا گیا ہے، ٹریفک کو پی آئی ڈی سی چوک سے کلب روڈ کی طرف موڑ دیا جا رہا ہے۔
پی آئی ڈی سی چوک پر پولیس کی بھاری نفری تعینات ہے، پی آئی ڈی سی چوک پر وزیر اعلیٰ ہاؤس جانے والی سڑک کو کنٹینرز لگا کر بند کر دیا گیا ہے، سڑک بند ہونے سے سڑکوں پر ٹریفک کا دباؤ بڑھ گیا ہے، مظاہرین نے بلاول ہاؤس کراچی جانے کا اعلان بھی کر دیا ہے۔مظاہرین کا کہنا ہے کہ حکومتی وفد سے مذاکرات ناکام ہوگئے، تنخواہوں اور پنشن میں 70 فیصد اضافہ کیا جائے۔
مزید پڑھیں :پٹرولیم مصنوعات کی قیمتوں میں اضافہ؟ آج رات 12 بجے کے بعد جا نئے فی لٹر کتنا مہنگا ہو رہا ہے
