لاہور( نیوز ڈیسک )الیکشن کمیشن آف پاکستان (ای سی پی) نے فیروز والا کے حلقہ پی پی 139 میں مسلم لیگ (ن) کے ایم پی اے رانا افضال حسین کے انتقال کے باعث نشست خالی ہونے کے بعد ضمنی انتخاب کے شیڈول کا اعلان کر دیا ہے۔
الیکشن کمیشن کے شیڈول کے مطابق کاغذات نامزدگی 18 اکتوبر کو جمع کیے جاسکیں گے، امیدواروں کو 21 سے 24 اکتوبر کے درمیان کاغذات نامزدگی جمع کرانے ہوں گے۔ امیدواروں کی حتمی فہرست ان کے تفویض کردہ انتخابی نشانات کے ساتھ نومبر کو جاری کی جائے گی۔
پی پی 139 میں ضمنی انتخاب 5 دسمبر بروز جمعرات کو ہونا ہے۔ یہ نشست مسلم لیگ (ن) کے ایک تجربہ کار سیاستدان اور سابق رکن پنجاب اسمبلی رانا افضال حسین کے انتقال کے بعد خالی ہوئی تھی۔رواں سال فروری کے عام انتخابات میں وفاقی وزیر رانا تنویر حسین اسی حلقے سے منتخب ہوئے تھے۔
انہوں نے یہ نشست خالی کی جس کے بعد ضمنی انتخاب ہوا جس میں رانا افضل جیت گئے۔ انہوں نے پی ٹی آئی کی حمایت یافتہ سنی اتحاد کونسل کے اعجاز حسین بھٹی کے مقابلے میں 48,850 ووٹ حاصل کیے جو 30,122 ووٹ حاصل کرنے میں کامیاب رہے۔ ٹی ایل پی کے امیدوار رفاقت علی نے 4809 ووٹ حاصل کیے۔ڈسٹرکٹ ریٹرننگ آفیسر شاہد عمران مارتھ، ریٹرننگ آفیسر عثمان جلیس اور اسسٹنٹ ریٹرننگ آفیسر عدیل خان کے ہمراہ پی پی 139 میں ضمنی انتخاب کے عمل کی نگرانی کے لیے تعینات کیے گئے ہیں۔
مزید پڑھیں: شنگھائی تعاون تنظیم سربراہی اجلاس ، اسلام آباد قلعہ میں تبدیل
