کراچی(نیوز ڈیسک )کراچی کے علاقے ڈیفنس میں سابق سینئر سپرنٹنڈنٹ پولیس (ایس ایس پی) کے گھر پر ڈکیتی کی واردات ہوئی۔ڈیفنس فیز VIII میں ریٹائرڈ ایس ایس پی کے گھر میں چوری کا مقدمہ ریٹائرڈ ایس ایس پی غلام سرور ابڑو کی
مزید پڑھیں:بہاولنگر،شہریوں کی غیر قانونی حراست ، متعدد پولیس اہلکارگرفتار
مدعیت میں درج کیا گیا۔فرسٹ انفارمیشن رپورٹ (ایف آئی آر) میں کہا گیا ہے کہ چوری کے وقت گھر پر کوئی نہیں تھا۔ ملزمان نے گھر سے 30 تولے سونا، 44 لاکھ روپے اور دیگر سامان چوری کر لیا۔اہل خانہ کے مطابق ملزمان نے لاکرز اور
الماریوں کو توڑا اور جاتے وقت سی سی ٹی وی ریکارڈر بھی ساتھ لے گئے۔ایس ایس پی ساجد سدوزئی کا کہنا تھا کہ مقدمہ درج کرنے کے بعد ملزمان کی گرفتاری کے لیے کارروائی کی جا رہی ہے۔
