لاہور( اے بی این نیوز) وفاقی وزیر داخلہ اور وزیر ریلوے کے درمیان ملاقات میں اسلام آباد سے راولپنڈی ٹرین چلانے کا فیصلہ کیا گیا ہے۔
وفاقی وزیرکالاہور میں ریلوے ہیڈ کوارٹرز کا دورہ جہاں محسن نقوی نے وزیر ریلوے حنیف عباسی کی زیر صدارت خصوصی اجلاس میں شرکت کی۔
اجلاس میں پاکستان ریلوے کی سیکیورٹی کے حوالے سے کیے گئے اقدامات کا جائزہ لیا گیا اور ملک بھر بالخصوص بلوچستان میں ریلوے لائنوں اور ٹرینوں کی سیکیورٹی کے لیے خصوصی اقدامات پر بریفنگ دی گئی۔
ریلوے کی اراضی پر تجاوزات کے خلاف مشترکہ کریک ڈاؤن کا بھی فیصلہ کیا گیا۔ اجلاس میں فیصلہ کیا گیا کہ نیشنل کانسٹیبلری ریلوے پولیس کے ساتھ مل کر انسداد تجاوزات آپریشن میں حصہ لے گی۔
محسن نقوی نے کہا کہ ایف سی انسداد تجاوزات آپریشن میں ریلوے پولیس کے ساتھ مکمل تعاون کرے گی۔
اجلاس میں جڑواں شہروں کے درمیان ٹرین چلانے کا بھی فیصلہ کیا گیا۔
وزیر داخلہ نے کہا کہ ریلوے ٹریکس اور ٹرینوں کی فول پروف سیکیورٹی کو یقینی بنانے کے لیے ہر ممکن اقدامات کیے جائیں گے اور ریلوے پولیس کی مدد کی جائے گی، مسافروں کا تحفظ ہماری اولین ترجیح ہے۔
وزیر داخلہ محسن نقوی نے حنیف عباسی کے دور میں ریلوے کی کارکردگی کو بہتر بنانے کے لیے کیے گئے منفرد اقدامات کو سراہا۔ وفاقی وزیر ریلوے حنیف عباسی نے تجاوزات کے خاتمے میں وفاقی ریزرو پولیس کی مدد پر وزیر داخلہ محسن نقوی کا شکریہ ادا کیا۔
اجلاس میں چیف ایگزیکٹو آفیسر پاکستان ریلویز ، آئی جی ریلوے پولیس اور اعلیٰ حکام نے شرکت کی۔
168ارب کی ٹیکس چوری! ایف بی آر کی خاموشی نے خزانے کو جھٹکا دیدیامزید پڑھیں:
