لاہور (اے بی این نیوز        ) طالبات کے تحفظ کے لیے 39 کالجوں اور یونیورسٹیوں میں گلابی بٹن نصب کر دیے گئے۔

طالبات کی پرائیویسی اور سیکیورٹی کے پیش نظر لاہور کے کالجوں اور یونیورسٹیوں میں گلابی بٹن لگانے کا آغاز کر دیا گیا ہے۔

سیف سٹیز اتھارٹی کے ترجمان نے کہا ہے کہ لاہور کے 39 خواتین کالجوں اور یونیورسٹیوں میں گلابی بٹن لگانے کا عمل مکمل کر لیا گیا ہے۔

ترجمان کے مطابق پنجاب بھر کے 450 خواتین کالجوں میں پنک بٹن کی تنصیب مرحلہ وار مکمل کی جائے گی۔ ایمرجنسی کی صورت میں طالبات گلابی بٹن دبا کر پولیس کی فوری مدد حاصل کر سکیں گی۔

ترجمان کا کہنا ہے کہ سیف سٹیز کنٹرول روم گلابی بٹن دبانے کے فوراً بعد معلومات حاصل کر لے گا۔

سیف سٹیز اتھارٹی کے ترجمان کے مطابق پنجاب میں 101 اور لاہور میں 122 مقامات پر پنک بٹن کی سہولت پہلے سے موجود ہے۔

مزید پڑھیں  :ملک بھر میں بارشوں کا نیا سلسلہ داخل،جا نئے کہاں ،کہاں باد و باراں اور سیلاب کا خطرہ ہے