کوئٹہ( اے بی این نیوز )بلوچستان کے شہر ژوب اور اس کے گردونواح میں زلزلے کے جھٹکے محسوس کیے گئے جس کی شدت ریکٹر اسکیل پر 4.5 ریکارڈ کی گئی۔

اے بی این کے مطابق ہفتے کی دوپہر ژوب شہر اور اس کے گردونواح میں زلزلے کے جھٹکے محسوس کیے گئے جس سے شہریوں میں خوف وہراس پھیل گیا اور وہ کلمہ طیبہ کا ورد کرتے ہوئے گھروں اور دفاتر سے باہر نکل آئے۔

زلزلہ پیما مرکز کے مطابق ریکٹر اسکیل پر زلزلے کی شدت 4.5 ریکارڈ کی گئی جب کہ زلزلے کی گہرائی 150 کلومیٹر زیر زمین تھی۔

ژوب کی ضلعی انتظامیہ کی جانب سے جاری بیان میں کہا گیا ہے کہ زلزلے کے نتیجے میں کسی جانی یا مالی نقصان کی کوئی اطلاع موصول نہیں ہوئی۔
مزید پڑھیں:دریائے ستلج میں پانی کا بہاؤ تیز، درجنوں دیہات زیر آب آگئے