اسلام آباد(اے بی این نیوز)05 اکتوبر (رات) سے 06 اکتوبر کے دوران موسلادھار بارش کے باعث دیر، سوات، شانگلہ، بونیر، کوہستان، مانسہرہ، ایبٹ آباد، چارسدہ، نوشہرہ، صوابی، مردان، مری، گلیات، اسلام آباد/راولپنڈی اور کشمیر کے مقامی/برساتی ندی نالوں میں طغیانی کا خطرہ۔
اس دوران آندھی/جھکڑ چلنے، ژالہ باری اور گرج چمک کے باعث روزمرہ کے معمولات متاثر ہونے، کمزور انفراسٹرکچر (کچے گھر/دیواریں، بجلی کے کھمبے، بل بورڈز، گاڑیاں، سولر پینل وغیرہ) کو نقصان کا اندیشہ۔مسافروں اور سیاح حضرات سفر کے دوران محتاط رہیں اور موسمی حالات کے مطابق اپنے سفر کا انتظام کریں۔
اتوارکے روز ملک کےبیشترعلاقوں میں موسم خشک رہےگا ۔تاہم بالائی خیبر پختونخوا، کشمیر، گلگت بلتستان، اسلام آباد، بالائی پنجاب اور سندھ کے ساحلی علاقوں میں مطلع جزوی ابرآلود رہنے کے علاوہ تیز ہواؤں/آندھئ اور گرج چمک کے ساتھ چند مقامات پر بارش کا امکان۔
اتوارے روز خیبر پختونخوا، کشمیر، گلگت بلتستان، اسلام آباد، پنجاب میں اکثر مقامات پر تیز ہواؤں /آندھی اور گرج چمک کے ساتھ بارش کا امکان۔ اس دوران چند مقامات پر موسلادھار بارش/ ژالہ باری کی توقع۔ ملک کےدیگر علاقوں میں موسم گرم اور خشک رہنے کی توقع ۔
گذشتہ 24 گھنٹے کا موسم ملک کے بیشتر علاقوں میں موسم گرم اور خشک رہا۔ تاہم بالائی خیبرپختونخوا ، بالائی پنجاب، گلگت بلتستان اورزیریں سندھ میں چند مقامات پر تیز ہواؤں اور گرج چمک کے ساتھ بارش ہوئی۔
سب سے زیادہ بارش(ملی میٹر): خیبرپختونخوا: پشاور ایئرپورٹ 15، پتن 14، پاراچنار 10، دیر 03، چترال 01، گلگت بلتستان: استور 04، بگروٹ 02، بونجی 01، پنجاب: منگلا 03، منڈی بہاؤالدین 02، سندھ: پڈعیدن میں 02ملی میٹر بارش ہوئی۔
آج ریکارڈ کئے گئے زیادہ سےزیادہ درجہ حرارت : تربت 42، بہاولپور، رحیم یار خان ، بہاولنگر اور خانپور میں 39ڈگری سینٹی گریڈ ریکارڈ کیا گیا ۔
اتوار (رات) : اسلام آباد اور گردونواح میں مطلع جزوی ابرآلود رہنے کے علاوہ تیز ہواؤں اور گرج چمک کے ساتھ بارش کا امکان۔
اتوار کے روز : اسلام آباد اور گردونواح میں مطلع ابرآلود رہنے کے علاوہ تیز ہواؤں اور گرج چمک کے ساتھ بارش کا امکان۔اس دوران چند مقامات پر تیزبارش /ژالہ باری بھی ہو سکتی ہے ۔
مزید پڑھیں: ویرات کوہلی اور روہت شرما کا ون ڈے کرکٹ سے ریٹائرمنٹ کا فیصلہ
