اسلام آباد( ا ے بی این نیوز)04 اکتوبر (رات) سے 06 اکتوبر کے دوران:موسلادھار بارش کے باعث دیر، سوات، شانگلہ، بونیر، کوہستان، مانسہرہ، ایبٹ آباد، چارسدہ، نوشہرہ، صوابی، مردان، مری، گلیات، اسلام آباد/راولپنڈی اور کشمیر کے مقامی/برساتی ندی نالوں میں طغیانی کا خطرہ۔
اس دوران آندھی/جھکڑ چلنے، ژالہ باری اور گرج چمک کے باعث روزمرہ کے معمولات متاثر ہونے، کمزور انفراسٹرکچر (کچے گھر/دیواریں، بجلی کے کھمبے، بل بورڈز، گاڑیاں، سولر پینل وغیرہ) کو نقصان کا اندیشہ۔
مسافروں اور سیاح حضرات سفر کے دوران محتاط رہیں اور موسمی حالات کے مطابق اپنے سفر کا انتظام کریں۔
ہفتہ کے روز ملک کےبیشترعلاقوں میں موسم گرم اور خشک رہےگا ۔تاہم شام/رات میں خیبر پختونخوا، کشمیر، گلگت بلتستان، اسلام آباد، بالائی پنجاب اور سندھ کے ساحلی علاقوں میں مطلع جزوی ابرآلود رہنے کے علاوہ تیز ہواؤں اور گرج چمک کے ساتھ چند مقامات پر بارش کا امکان۔
اتوار کے روز خیبر پختونخوا، کشمیر، گلگت بلتستان، اسلام آباد، بالائی/وسطی پنجاب میں اکثر مقامات پر تیز ہواؤں /آندھی اور گرج چمک کے ساتھ بارش کا امکان۔ اس دوران چند مقامات پر موسلادھار بارش/ ژالہ باری کی توقع۔ ملک کےدیگر علاقوں میں موسم گرم اور خشک رہنے کی توقع۔
گذشتہ 24 گھنٹے کا موسم ملک کے بیشتر علاقوں میں موسم گرم اور خشک رہا۔ تاہم بالائی خیبرپختونخوا ، بالائی پنجاب، گلگت بلتستان اورزیریں سندھ میں چند مقامات پر تیز ہواؤں اور گرج چمک کے ساتھ بارش ہوئی۔
سب سے زیادہ بارش(ملی میٹر): خیبرپختونخوا: پشاور (ایئرپورٹ 15 اور سٹی 13)، پٹن 14، پاراچنار 10، باچا خان ایئرپورٹ 08، کاکول 06، بالاکوٹ 02، چترال اور کالام 01، پنجاب: اسلام آباد (زیروپوائنٹ 11، سید پور 06، بوکرا 04، گولڑہ 03)، راولپنڈی (شمس آباد 11، نیو کٹاریاں 08، کچہری 06، گوالمنڈی 05، پیرویداہی اور چکلالہ 04) منگلا 08، چکوال 03، جہلم اور گجرات 02، اٹک، مری، منڈی بہاؤالدین، گوجرانوالہ 01، گلگت بلتستان: استور 04، ہنزہ 02، چلاس 01، سندھ: پڈعیدن 02، بدین میں 01ملی میٹر بارش ہوئی۔
گزشتہ روز ریکارڈ کئے گئے زیادہ سےزیادہ درجہ حرارت : تربت 42، لسبیلہ اور پسنی میں 40 ڈگری سینٹی گریڈ ریکارڈ کیا گیا ۔
مزید پڑھیں:پاکستان میں آج کا ڈالر ریٹ جانئے؟
