اسلام آباد(اے بی این نیوز)آج (رات) اور 01 ستمبر کے دوران: موسلادھار بارشوں کے باعث ، دیر، سوات، شانگلہ، بونیر، کوہستان،مانسہرہ، ایبٹ آباد، نوشہرہ، صوابی، مری، گلیات، اسلام آباد/راولپنڈی، شمال مشرقی پنجاب ،کشمیر ، ڈیرہ غازی خان اور اس سے ملحقہ مقامی / بر ساتی ندی نالوں میں طغیانی کا خطرہ ۔
خیبرپختونخوا کے پہاڑی علاقوں، مری ، گلیات اور کشمیر میں لینڈ سلائیڈنگ کے باعث ٹریفک کی آمدورفت متاثر ہونے کا خطرہ۔
موسلادھار بارش کے باعث اسلام آباد/راولپنڈی، گوجرانوالہ، لاہور ،سیالکوٹ ، ناروال، پشاور ، نوشہرہ اور مردان کے نشیبی علا قے زیر آب آنے کاخدشہ۔
• موسلادھار بارش / آندھی / جھکڑ چلنے اور گرج چمک کے باعث روزمرہ کے معمولات متاثر ہونے، کمزور انفرا سٹرکچر (کچے گھر / دیواریں، بجلی کے کھمبے، بل بورڈز، گاڑیاں، سولر پینل وغیرہ) کو نقصان کا اندیشہ۔مسافروں اور سیاح حضرات سفر کے دوران زیادہ محتاط رہیں اور موسمی حالات کے مطابق اپنے سفر کا انتظام کریں اور بارشوں کے دوران کسی بھی ناخوشگوار صورتحال سے بچنے کے لیے موسم کے بارے میں آگاہی حاصل کریں۔
اتوار کے روز کشمیر ، گلگت بلتستان، خیبر پختونخو،بالائی /وسطی پنجاب اور اسلام آباد میں تیز ہواؤں اور گرج چمک کے ساتھ بارش جبکہ کشمیر ، بالائی خیبر پختونحوا، شمال مشرقی/مشرقی پنجاب میں چند مقامات پر تیز/موسلادھار بارش کا بھی امکان۔
ملک کے دیگر علاقوں میں موسم خشک رہنے کی توقع۔پیر کے روز کشمیر ، گلگت بلتستان، خیبر پختونخو،بالائی /جنو بی پنجاب اور اسلام آباد میں تیز ہواؤں اور گرج چمک کے ساتھ بارش جبکہ کشمیر ، بالائی خیبر پختونحوا، شمال مشرقی/جنو بی پنجاب میں چند مقامات پر تیز/موسلادھار بارش کا بھی امکان۔ ملک کے دیگر علاقوں میں موسم گرم اور خشک رہنے کی توقع۔
گذشتہ 24 گھنٹے کا موسم پنجاب،اسلام آباد،کشمیر ، مالم جبہ اور برکھان میں تیز ہواؤں اور گرج چمک کے ساتھ بارش ہوئی ۔ ملک کے دیگر علاقوں میں موسم گرم اور مرطوب رہا۔
سب سے زیادہ بارش (ملی میٹر): پنجاب: ملتان (ایئرپورٹ 42، سٹی 09)، اوکاڑہ 38، لاہور (ایئرپورٹ 25، سٹی 22)، بہاولپور (ایئرپورٹ 25، سٹی 03) گوجرانوالہ اور قصور 19، شیخوپورہ 14، خانیوال 12، مری 11، بہاولنگر 10، گجرات اور نارووال 05، اسلام آباد (سید پور 04، گولڑہ 01)، سیالکوٹ (سٹی 03، ایئرپورٹ 01)، فیصل آباد 02، خیبرپختونخوا: مالم جبہ 08، کشمیر: کوٹلی 08، مظفرآباد سٹی 06، بلوچستان: بار کھان 02میٹر بارش ریکارڈ ہوئی۔
آج ریکارڈ کئے گئے زیادہ سےزیادہ درجہ حرارت : دالبندین 43 اور نوکنڈی میں 42ڈگری سینٹی گریڈ ریکارڈ کیا گیا ۔پیر(رات) : اسلام آباد اور گردونواح میں مطلع جزوی ابرآلود رہنے کے علاوہ تیز ہواؤں / گرج چمک کے ساتھ بارش جبکہ چند مقامات پر تیز/موسلادھاربارش بھی متوقع۔
پیر کے روز : اسلام آباد اور گردونواح میں مطلع ابرآلود رہنے کے علاوہ تیز ہواؤں / گرج چمک کے ساتھ بارش کا امکان ۔اس دوران تیز/موسلادھاربارش بھی متوقع۔
مزید پڑھیں: وفاقی دارالحکومت اور گردونواح میں جمعرات کی شب زلزلے کے جھٹکے
