اسلام آباد(اے بی این نیوز)انتباہ آج (رات)اور 30اگست کے دوران:موسلادھار بارشوں کے باعث، دیر، سوات، شانگلہ، بونیر، کوہستان، مانسہرہ، ایبٹ آباد، نوشہرہ، صوابی، مری، گلیات، اسلام آباد/راولپنڈی، شمال مشرقی پنجاب، کشمیر، ڈیرہ غازی خان اور اس سے ملحقہ مقامی/برساتی ندی نالوں میں طغیانی کا خطرہ۔ خیبرپختونخوا کے پہاڑی علاقوں، مری، گلیات اور کشمیر میں لینڈ سلائیڈنگ کے باعث ٹریفک کی آمدورفت متاثر ہونے کا خطرہ۔
موسلادھار بارش کے باعث اسلام آباد/راولپنڈی، گوجرانوالہ، لاہور، سیالکوٹ، ناروال، پشاور، نوشہرہ اور مردان کے نشیبی علاقے زیر آب آنے کا خدشہ۔
موسلادھار بارش/آندھی/جھکڑ چلنے اور گرج چمک کے باعث روزمرہ کے معمولات متاثر ہونے، کمزور انفراسٹرکچر (کچے گھر/دیواریں، بجلی کے کھمبے، بل بورڈز، گاڑیاں، سولر پینل وغیرہ) کو نقصان کا اندیشہ۔ مسافروں اور سیاح حضرات سفر کے دوران زیادہ محتاط رہیں اور موسمی حالات کے مطابق اپنے سفر کا انتظام کریں اور بارشوں کے دوران کسی بھی ناخوشگوار صورتحال سے بچنے کے لیے موسم کے بارے میں آگاہی حاصل کریں۔
ہفتہ کے روز ملک کے بیشتر علاقوں میں موسم گرم اور مر طوب رہنے کا امکان۔ تاہم شمال مشرقی/ بالائی پنجاب، کشمیر اور خیبر پختونخوا میں تیز ہواؤں اور گرج چمک کے ساتھ بارش جبکہ چند مقا مات پر تیز/موسلادھار بارش کا بھی امکان۔اس دوران شمال مشرقی بلوچستان ، جنو بی پنجاب اور جنوب مشرقی سندھ میں بھی چند مقامات پر تیز ہواؤں اور گرج چمک کے ساتھ بارش کی توقع۔
ہفتہ کے روز پنجاب، کشمیر ،خطہ پوٹھوہار، اسلام آباد اورخیبر پختونخو میں تیز ہواؤں اور گرج چمک کے ساتھ بارش جبکہ چند مقا مات پر تیز/موسلادھار بارش کا بھی امکان۔شام /رات میں شمال مشرقی بلوچستان ،جنوب مشرقی سندھ اور گلگت بلتستان میں بھی چند مقامات پر تیز ہواؤں اور گرج چمک کے ساتھ بارش کی توقع۔
گذشتہ 24 گھنٹے کا موسم ملک کے بیشتر علاقوں میں موسم گرم اور مرطوب رہا۔تاہم پنجاب ، کشمیر ،مری، گلیات اورچرا ٹ میں چند مقا مات پر تیز ہواؤں اور گرج چمک کے ساتھ بارش ہوئی ۔
سب سے زیادہ بارش (ملی میٹر): پنجاب: لاہور (ایئرپورٹ 23، سٹی 01) فیصل آباد 14، سیالکوٹ (ایئرپورٹ 13، سٹی 03)، اوکاڑہ 10، شیخوپورہ 05، مری، ساہیوال 03، حافظ آباد ، بہاولنگر 02، خیبر پختونخوا: چراٹ 04، کشمیر: راولاکوٹ میں 02ملی میٹر بارش ریکارڈ ہوئی۔
آج ریکارڈ کئے گئے زیادہ سےزیادہ درجہ حرارت : چلاس، تربت، دالبندین 43 اور نوکنڈی میں 42ڈگری سینٹی گریڈ ریکارڈ کیا گیا ۔
ہفتہ (رات) : اسلام آباد اور گردونواح میں مطلع جزوی ابرآلود رہنے کے علاوہ تیز ہواؤں / گرج چمک کے ساتھ بارش کا امکان۔ اس دوران چند مقامات پر تیز/موسلادھاربارش بھی متوقع۔
ہفتہ کے روز : اسلام آباد اور گردونواح میں مطلع ابرآلود رہنے کے علاوہ تیز ہواؤں / گرج چمک کے ساتھ بارش کا امکان ۔اس دوران تیز/موسلادھاربارش بھی متوقع۔
مزید پڑھیں: مون سون بارشوں کا نواں سپیل شروع، راوی، ستلج اور چناب میں طغیانی،آندھی ،طوفان،سپر فلڈ
