اسلام آباد(اے بی این نیوز)نیشنل ڈیزاسٹر مینجمنٹ اتھارٹی (این ڈی ایم اے) کے چیئرمین نے کہا ہے کہ دریائے چناب، ستلج اور راوی کو سیلاب کا سامنا ہے۔

این ڈی ایم اے کے چیئرمین نے وفاقی وزراء عطا تارڑ اور مصدق ملک سے بات کی اور کہا کہ دریائے ستلج کے علاقوں سے ایک لاکھ سے زائد افراد کو محفوظ مقامات پر منتقل کیا گیا ہے۔

ان کا مزید کہنا تھا کہ دریائے چناب، ستلج اور راوی میں سیلابی صورتحال ہے، پوری صورتحال مکمل کنٹرول میں ہے، ہنگامی اقدامات کیے جا رہے ہیں۔

این ڈی ایم اے کے چیئرمین نے یہ بھی کہا کہ آئندہ 2 روز میں دریاؤں میں درمیانے سے اونچے درجے کے سیلاب کا امکان ہے، سیالکوٹ، نارووال اور قصور کے نالوں میں طغیانی کا بھی خدشہ ہے۔
مزید پڑھیں:سینیٹ کا ضمنی انتخاب! رانا ثناء اللہ کے کاغذات نامزدگی منظوری چیلنج