اسلام آباد(اے بی این نیوز)انتباہ: شدید موسلادھار بارشوں کے باعث سندھ(کراچی، ٹھٹھہ، بدین، سجاول، تھرپارکر، عمر کوٹ، میرپورخاص، حیدرآباد، شہید بینظیر آباد، ٹنڈو اللہ یار، ٹنڈو محمد خان، سانگھڑ اورجامشورو) کے نشیبی علا قے زیر آب آنے اور مقامی ندی نالوں میں طغیانی کاخدشہ۔
شدید بارشوں / آندھی / جھکڑ چلنے اور گرج چمک کے باعث روزمرہ کے معمولات متاثر ہونے، کمزور انفرا سٹرکچر (کچے گھر / دیواریں، بجلی کے کھمبے، بل بورڈز، گاڑیاں، سولر پینل وغیرہ) کو نقصان کا اندیشہ۔
مسافروں اور سیاح حضرات سفر کے دوران زیادہ محتاط رہیں اور موسمی حالات کے مطابق اپنے سفر کا انتظام کریں اور بارشوں کے دوران کسی بھی ناخوشگوار صورتحال سے بچنے کے لیے موسم کے بارے میں آگاہی حاصل کریں۔
جمعرات کے روز ملک کے بیشتر علاقوں میں موسم گرم اور مرطوب رہنے کا امکان ۔ وسطی/زیریں سندھ اور جنوبی بلو چستان میں اکثر مقامات پر تیز ہواؤں اور گرج چمک کے ساتھ بارش جبکہ چند مقامات پر تیز/شدید موسلادھار بارش متوقع۔
جمعه کے روز ملک کے بیشتر علاقوں میں موسم گرم اور مرطوب رہنے کا امکان ۔ زیریں سندھ میں اکثر مقامات پر تیز ہواؤں اور گرج چمک کے ساتھ بارش جبکہ چند مقامات پر تیز/موسلادھار بارش متوقع۔ تاہم رات میں بالائی خیبر پختونخوا، کشمیر ، شمال مشرقی پنجاب اور خطہ پوٹھوہار میں مطلع جزوی ابر آلود رہنےکے علاوہ تیز ہواؤں اور گرج چمک کے ساتھ چند مقامات پر بارش کا امکان۔
گذشتہ 24 گھنٹے کا موسم سندھ، شمال مشرقی پنجاب،بالائی خیبر پختونخوا اور جنوبی بلوچستان میں تیز ہواؤں/ گرج چمک کے ساتھ بارش جبکہ چند مقامات پر موسلادھار بارش ہوئی۔
سب سے زیادہ بارش (ملی میٹر): سندھ: کراچی (اورنگی ٹاؤن 113، فیصل بیس 43، کورنگی 36، کیماڑی 31، جناح ٹرمینل 28، یونیورسٹی روڈ 24، مسرور بیس 24، ایئرپورٹ اولڈ ایریا 21، ڈی ایچ اے (فیز 2) 21، گلشن حدید 20،ناظم آباد 19، سرجانی ٹاؤن، سعدی ٹاؤن 16،نارتھ کراچی 09، گلشن معمار 07)،ٹنڈو جام 67، حیدرآباد (، سٹی35،ایئرپورٹ 32)، تھرپارکر (کلوئی 30، ڈیپلو 21، چھاچھرو 06، نگرپارکر 02)، ٹھٹھہ، بدین 24، میر پور خاص 12، پڈعیدن07، سکرنڈ 05،شہید بینظیر آباد ، دادو 04، چھور 01، پنجاب: سیالکوٹ (ایئرپورٹ 17، سٹی 05) ، فیصل آباد 16، خیبر پختونخوا: کاکول 20، پشاور (ایئرپورٹ12 ، سٹی01)، بلوچستان: تربت 09 اور لسبیلہ میں 03 ملی میٹر بارش ریکارڈ ہوئی۔
آج ریکارڈ کئے گئے زیادہ سےزیادہ درجہ حرارت : نو کنڈی 44 اوردالبندین میں 43ڈگری سینٹی گریڈ ریکارڈ کیا گیا ۔
جمعہ (رات): اسلام آباد اور گردونواح میں موسم گرم اور مرطوب/ مطلع جزوی ابرآلود رہنے کا امکان ۔
جمعہ کے روز: اسلام آباد اور گردونواح میں موسم گرم اور مرطوب/ مطلع جزوی ابرآلود رہنے کا امکان ۔ تاہم رات کے اوقات میں تیز ہواؤں اور گرج چمک کے ساتھ چند مقامات پر بارش کا امکان۔
مزید پڑھیں: سرکاری تعلیمی نظام کا جنازہ نکل گیا، بچے فیل،متعلقہ حکام کے نجی سکولوں کے دورے،ٹی اے ڈی بنانے پر زور،بورڈ نظام فلاپ
