اسلام آباد(اے بی این نیوز)با لا ئی خیبر پختونخوا، کشمیر، گلگت بلتستان ، خطہ پو ٹھو ہار اور شمال مشرقی پنجاب کے مقامی / بر ساتی ندی نالوں میں طغیانی کا خطرہ۔
شدید بارشوں کے باعث خیبرپختونخوا کے پہاڑی علاقوں، گلگت بلتستان، مری، گلیات اور کشمیر میں لینڈ سلائیڈنگ کے باعث ٹریفک کی آمدورفت متاثر ہونے کا خطرہ۔
شدید بارشوں / آندھی / جھکڑ چلنے اور گرج چمک کے باعث روزمرہ کے معمولات متاثر ہونے، کمزور انفرا سٹرکچر (کچے گھر / دیواریں، بجلی کے کھمبے، بل بورڈز، گاڑیاں، سولر پینل وغیرہ) کو نقصان کا اندیشہ۔مسافروں اور سیاح حضرات سفر کے دوران زیادہ محتاط رہیں اور موسمی حالات کے مطابق اپنے سفر کا انتظام کریں اور بارشوں کے دوران کسی بھی ناخوشگوار صورتحال سے بچنے کے لیے موسم کے بارے میں آگاہی حاصل کریں۔
ہفتہ کے روز خیبر پختونخوا، کشمیر، بالائی پنجاب، شمال مشر قی/جنوبی بلو چستان، جنوب مشرقی سندھ اور گلگت بلتستان میں مطلع جزوی ابر آلود رہنےکے علاوہ تیز ہواؤں اور گرج چمک کے ساتھ بارش کی توقع ۔ اس دوران بالائی خیبر پختونخوا، خطہ پوٹھوہار، کشمیر اور ملحقہ پہاڑی علاقوں میں چند مقامات پر تیز/موسلادھار بارش متوقع۔
ہفتہ کے روز خیبر پختونخوا، کشمیر، اسلام آباد،خطہ پوٹھوہار، شمال مشرقی پنجاب ا ور گلگت بلتستان میں مطلع جزوی ابر آلود رہنےکے علاوہ تیز ہواؤں اور گرج چمک کے ساتھ بارش کا امکان۔ اس دوران بالائی خیبر پختونخوا، خطہ پوٹھوہار اورکشمیر میں چند مقامات پر تیز/موسلادھار بارش متوقع۔ جبکہ شام/رات شمال مشر قی/جنوبی بلو چستان، جنو بی پنجاب اور جنوب مشرقی سندھ میں تیز ہواؤں اور گرج چمک کے ساتھ بارش کی توقع ۔
گذشتہ 24 گھنٹے کا موسم بالائی خیبر پختونخوا، کشمیر ، اسلام آباد ،با لائی پنجاب اور گلگت بلتستان میں گرج چمک کے ساتھ بارش ۔ جبکہ کشمیر اور بالائی خیبر پختونخوا میں موسلادھار بارش بھی ریکارڈ کی گئی۔ ملک کے دیگر علاقوں میں موسم گرم اور حبس رہا۔
سب سے زیادہ بارش (ملی میٹر): خیبرپختونخوا: دیر (لوئر 98،اپر 17)، مالم جبہ 76، سیدو شریف،بالاکوٹ 41، پٹن، پاراچنار 25، کالام 13، کاکول 07، میر کھانی 03، چراٹ 02، کشمیر: کوٹلی 44، مظفر آباد (ایئرپورٹ اور سٹی 39)، راولاکوٹ 17، گڑھی دوپٹہ 13، پنجاب: اسلام آباد (سید پور 45، زیرو پوائنٹ 24، گولڑہ، بوکرا 16)، راولپنڈی (نیو کٹاریاں 23، شمس آباد 22، پیر ودھائی 19، گوالمنڈی 18، چکلالہ، کچہری 08)، منگلا 05، مری اور سیالکوٹ سٹی 04، گجرات 02، گلگت بلتستان: چلاس 06، بونجی 04، گلگت اور بابوسر میں 03ملی میٹر بارش ریکارڈ کی گئی۔
آج ریکارڈ کئے گئے زیادہ سےزیادہ درجہ حرارت : دالبندین، نوکنڈی 43، سبی اور دادومیں 41 سینٹی گریڈ ریکارڈ کیا گیا ۔
ہفتہ (رات): اسلام آباد اور گردونواح میں مطلع ابرآلود رہنے کے علاوہ تیز ہواؤں اور گرج چمک کے ساتھ بارش جبکہ چند مقامات پر تیز/موسلادھار بارش کا بھی امکان۔
ہفتہ کے روز: اسلام آباد اور گردونواح میں مطلع ابرآلود رہنے کے علاوہ تیز ہواؤں اور گرج چمک کے ساتھ بارش کی توقع۔ اس دوران صبح /رات کے اوقات میں تیز/موسلادھار بارش کی بھی توقع۔
مزید پڑھیں: پٹرولیم مصنوعات کی قیمتوں میں نمایاں کمی کر دی گئی
