اسلام آباد(اے بی این نیوز) اس دوران شدید بارشوں کے باعث با لا ئی خیبر پختونخوا، کشمیر، گلگت بلتستان ، خطہ پو ٹھو ہار اور شمال مشرقی پنجاب کے مقامی / بر ساتی ندی نالوں میں طغیانی کا خطرہ۔ عوام الناس کو احتیاط کی ہدایت۔

شدید بارشوں کے باعث خیبرپختونخوا کے پہاڑی علاقوں، گلگت بلتستان، مری، گلیات اور کشمیر میں لینڈ سلائیڈنگ کے باعث ٹریفک کی آمدورفت متاثر ہونے کا خطرہ۔

شدید بارشوں / آندھی / جھکڑ چلنے اور گرج چمک کے باعث روزمرہ کے معمولات متاثر ہونے، کمزور انفرا سٹرکچر (کچے گھر / دیواریں، بجلی کے کھمبے، بل بورڈز، گاڑیاں، سولر پینل وغیرہ) کو نقصان کا اندیشہ۔

مسافروں اور سیاح حضرات سفر کے دوران زیادہ محتاط رہیں اور موسمی حالات کے مطابق اپنے سفر کا انتظام کریں اور بارشوں کے دوران کسی بھی ناخوشگوار صورتحال سے بچنے کے لیے موسم کے بارے میں آگاہی حاصل کریں۔

جمعرات کے روز بالائی پنجاب، اسلام آباد، بالائی خیبر پختونخوا،شمال مشر قی بلو چستان، کشمیر اور گلگت بلتستان میں مطلع جزوی ابر آلود رہنےکے علاوہ تیز ہواؤں اور گرج چمک کے ساتھ بارش کی توقع ۔ اس دوران بالائی خیبر پختونخوا، شمال مشرقی پنجاب ،کشمیر اور ملحقہ پہاڑی علاقوں میں چند مقامات پر تیز/موسلادھار بارش متوقع۔ملک کے دیگرعلاقوں میں موسم گرم اورشدید حبس برقرار رہنے کا امکان ہے ۔

جمعه کے روز ملک کےبیشتر میدانی علاقوں میں موسم گرم اورشدید حبس برقرار رہنے کا امکان ہے ۔ تاہم بالائی پنجاب، اسلام آباد، بالائی خیبر پختونخوا،کشمیر اور گلگت بلتستان میں مطلع جزوی ابر آلود رہنےکے علاوہ چند مقامات پر تیز ہواؤں اور گرج چمک کے ساتھ بارش کی توقع ۔ اس دوران بالائی خیبر پختونخوا،کشمیر اور ملحقہ پہاڑی علاقوں میں چند مقامات پر تیز/موسلادھار بارش متوقع۔

گذشتہ 24 گھنٹے کا موسم ملک کے بیشتر علاقوں میں موسم گرم اور حبس رہا۔تاہم بالائی خیبر پختونخوا، کشمیر ، اسلام آباد اورشمال مشرقی پنجاب میں چند مقا مات پر گرج چمک کے ساتھ بارش ہوئی ۔

سب سے زیادہ بارش (ملی میٹر): خیبر پختونخوا: کاکول 72، بالاکوٹ 53، مالم جبہ 11، کالام 6، لوئر دیر 1، کشمیر: راولا کوٹ67، مظفرآباد(سٹی 46، ایئرپورٹ 32)، گڑ ھی دو پٹہ 18، پنجاب:مری 29، اسلام آباد ( سیّدپور 14، گولڑہ 5، زیرو پوائینٹ 2، نیو کٹاریاں 1)، لاہور (ایئرپورٹ 14،سٹی 07)، واسا اسٹیشن

( لکشمی چوک 13، چوک ناقدہ 13، پانی والا تالاب 12، نشتر ٹاؤن ، فرخ آباد 10، مغلپورہ ایس ڈی او آفس 8.5، ایئرپورٹ 8، جیل روڈ 7.5، ہیڈ آفس واسا گلبرگ 7، جوہر ٹاؤن ایس ڈی او آفس 7، اپر مال 6، تاجپورہ ایس ڈی او آفس 6، اقبال ٹاؤن ایس ڈی او آفس 5، قرطبہ چوک 5، گلشنِ راوی 4، اور سمن آباد ایس ڈی او آفس 3) ،نا رووال19، سیالکوٹ(سٹی 13، ایئرپورٹ 3)، منگلا 03، بہا ولنگر02، قصور 01 ۔

آج ریکارڈ کئے گئے زیادہ سےزیادہ درجہ حرارت : دالبندین، نوکنڈی 43، سبی، بو نجی اور پنجگورمیں 42 سینٹی گریڈ ریکارڈ کیا گیا ۔
جمعہ (رات): اسلام آباد اور گردونواح میں مطلع ابرآلود رہنے کے علاوہ تیز ہواؤں اور گرج چمک کے ساتھ بارش کی توقع۔ اس دوران چند مقامات پر تیز/موسلادھار بارش ہو سکتی ہے۔

جمعہ کے روز: اسلام آباد اور گردونواح میں مطلع ابرآلود رہنے کے علاوہ تیز ہواؤں اور گرج چمک کے ساتھ بارش کی توقع۔ اس دوران چند مقامات پر تیز/موسلادھار بارش ہو سکتی ہے۔
مزید پڑھیں: گلگت بلتستان ، سیلاب سے 10 افراد جاں بحق ہوگئے،متعدد زخمی