اسلام آباد(اے بی این نیوز) ملک بھر میںایک بار پھر گرمی کی لہر شدت اختیار کرگئی ۔ گرمی میں شدت کے باعث شہری اور بچے مختلف بیماریوں کا شکار ہونے لگے ۔
دوسری جانب این ڈی ایم اے نے پیشگوئی کرتے ہوئے آئندہ چوبیس گھنٹوں میں مزید بارش کا امکان ظاہر کیا ہے جبکہ بارش کا یہ سلسلہ 31جولائی تک جاری رہنے کا امکان ہے ۔
دوسری جانب ایس ڈی ایم اے نے الرٹ جاری کرتے ہوئے کہا کہ گلگت، سکردو، ہنز ہ اور شگر میں 28 سے 31جولائی کے دوران بارش متوقع،نیشنل ایمرجنسی آپریشن سینٹر نے گلگت بلتستان اور آزاد کشمیر میں سیلاب کا الرٹ جاری کردیا۔
اعلامیے کے مطابق گلگت، سکردو، ہنز ہ اور شگر میں29 جولائی سے 31جولائی کے دوران بارش کا امکان ہے ، آزادکشمیرمیں مظفرآباد، وادی نیلم اور باغ میں بارشوں کا امکان ہے۔
بارشوں کے باعث سیلابی صورتحال پیدا ہو نے کا خدشہ ہے، پہاڑی علاقوں میں شدید بارشوں کے پیش نظر لینڈ سلائیڈنگ بھی متوقع ہے۔
این ڈی ایم اے کے مطابق گزشتہ 24 گھنٹوں کے دوران بارشوں اور سیلاب سے مزید 8 افراد جاں بحق اور 21 زخمی ہوگئے ۔ 28 جون سے اب تک مجموعی طور پر 279 افراد جان سے جا چکے۔
رپورٹ کے مطابق ملک بھر میں ایک ماہ کے دوران سیلاب اور بارشوں سے 676 افراد زخمی بھی ہوئے ۔ ایک ہزار 553 گھروں کو نقصان پہنچا ۔ 374مویشی بھی ہلاک ہوئے۔
مزید پڑھیں۔پی ٹی آئی اور ن لیگ کے رہنماؤں کی پیپلزپارٹی میں شمولیت
