اسلام آباد(اے بی این نیوز)انتباہ: ملک کے بیشتر علاقے اگلے 02 سے 03روز کے دوران شدید گرمی کی لہر کے زیر اثر رہیں گے جس کے باعث: ملک کے بالائی علاقوں(وسطی/بالائی پنجاب،اسلام آباد، خیبرپختونخوا، کشمیر، گلگت بلتستان)میں دن کا درجہ حرارت معمول سے 05 سے 07 ڈگری سینٹی گریڈ جبکہ جنوبی علاقوں(سندھ ،جنوبی پنجاب اور بلوچستان) میں 04 سے 06 ڈگری سینٹی گریڈزیادہ رہنے کا امکان۔
ہفتہ کے روز ملک کے بیشتر علاقوں میں موسم گرم اور خشک رہا۔
اتوار کے روز ملک کے بیشتر علاقوں میں موسم گرم اور خشک جبکہ میدانی علاقوں میں دن کے اوقات میں شدید گرم رہنے کا امکان۔تاہم شام/رات میں گلگت بلتستان، بالائی خیبرپختونخوا، کشمیر اور ملحقہ پہاڑی علاقوں میں چند مقامات پر تیز ہواؤں اور گرج چمک کے ساتھ بارش کا امکان۔
گذشتہ 24 گھنٹے کا موسم ملک کےبیشترعلاقوں میں موسم گرم اور خشک جبکہ میدانی علاقوں میں شدید گرم رہا۔ تاہم کشمیر اور ملحقہ پہاڑی علاقوں میں چند مقامات پر گرج چمک کے ساتھ بارش ہوئی۔
سب سے زیادہ بارش:کشمیر:راولاکوٹ میں 04 ملی میٹر بارش جبکہ مری میں ہلکی بارش /بونداباندی ہوئی۔
آج ریکارڈ کئے گئے زیادہ سےزیادہ درجہ حرارت :دادو48،رحیم یار خان ،جیکب آباد ،47، ڈی جی خان،بھکر،بہاولنگر ،سبی، نوکنڈی ، موہنجوداڑو میں 46 ڈگری سینٹی گریڈ ریکارڈ کیا گیا۔
ہفتہ (رات) : اسلام آباد اور گردونواح میں موسم گرم اور خشک رہا۔
اتوار کے روز : اسلام آباد اور گردونواح میں دن کے اوقات میں موسم شدید گرم اور خشک رہنے کا امکان۔ جبکہ شام/رات میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ چند مقامات پر بارش ہو سکتی ہے۔
مزید پڑھیں: افسوسناک خبر ، ٹرین کی بوگی پٹری سے اتر گئی
