اسلام آباد(اے بی این نیوز)بدھ کے روز ملک کے بیشتر علاقوں میں موسم گرم اور خشک رہنے کا امکان۔ تاہم گلگت بلتستان،کشمیر اوربالائی خیبرپختونخوا میں مطلع جزوی ابرآلود رہنے کے علاوہ چند مقامات پر تیزہوائیں چلنے اورگرج چمک کے ساتھ بارش کا امکان ۔
بدھ کے روز ملک کے بیشتر علاقوں میں موسم گرم اور خشک جبکہ ملک کے جنوبی میدانی علاقوں میں دن کے اوقات میں شدید گرم رہنے کا امکان۔
گذشتہ 24 گھنٹے کا موسم ملک کےبیشترعلاقوں میں موسم گرم اور خشک رہا۔ تاہم کشمیر،گلگت بلتستان اور بالائی خیبر پختونخوا میں چند مقامات پر تیز ہواؤں اور گرج چمک کے ساتھ بارش ہوئی۔
سب سے زیادہ بارش (ملی میٹر): گلگت بلتستان : گوپس 04، چلاس 01، خیبرپختونخوا: پٹن 04، کالام 02،کشمیر:مظفر آباد اورگڑھی دوپٹہ میں 01ملی میٹر بارش ریکارڈ کی گئی۔
آج ریکارڈ کئے گئے زیادہ سےزیادہ درجہ حرارت : دادو،سبی،تربت45،روہڑی، خیرپور، شہید بینظیر آباد، جیکب آباد اور لاڑکانہ میں 44ڈگری سینٹی گریڈ ریکارڈ کیا گیا۔
بدھ (رات) : اسلام آباد اور گردونواح میں موسم گرم اور خشک رہے گا۔
بدھ کے روز : اسلام آباد اور گردونواح میں موسم گرم اور خشک رہے گا۔تاہم بعد از دوپہر تیز ہوائیں چلنے کا امکان۔
مزید پڑھیں: سرکاری عازمین حج کی حجاز مقدس آمد کا دوسرا مرحلہ کل سے شروع
