اسلام آباد(اے بی این نیوز)آج بروز منگل گرج چمک، تیز ہواوں کے ساتھ بارش ہونے کے ساتھ پہاڑی علاقوں پر برفباری کا امکان ہے۔ محکمہ موسمیات کے مطابق خیبرپختونخوا ، کشمیر ،گلگت بلتستان، شمال مشرقی پنجاب، خطہ پوٹھوہار اور اسلام آباد میں چند مقامات پر تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے۔
کشمیر اور بالائی خیبر پختونحوا میں چند مقامات پر درمیانی سے تیز بارش متوقع ہے، ملک کے دیگر علاقوں میں مطلع جزوی ابرآلود رہنے کا امکان ہے۔ خیبرپختونخوا کے مختلف علاقوں چترال، دیر، سوات، کوہستان، شانگلہ، بٹگرام ، مانسہرہ،ایبٹ آباد، نوشہرہ، صوابی، مردان ، بونیر، پشاور، کوہاٹ، کرک، بنوں، باجوڑ، مہمند، کرم، خیبر اور وزیرستان میں چند مقامات پر تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے۔
پنجاب کے بیشتر اضلاع میں موسم خشک اور مطلع جزوی ابر آلود رہنے کا امکان ہے تاہم راولپنڈی، اٹک، جہلم، چکوال، منڈی بہاؤالدین ، سرگودھا ، میانوالی ، خوشاب، گجرات، سیالکوٹ، لاہور اور گردونواح میں چند مقامات پر تیز ہواؤں اور گرج چمک کے ساتھ بارش کی توقع ہے۔
بلوچستان کے بیشتر اضلاع میں موسم خشک اور شمالی اضلاع میں مطلع جزوی ابر آلود رہنے کے علاوہ چاغی، کوئٹہ ، ژوب، قلعہ سیف اللہ، زیارت اور گردونواح میں تیز ہواؤں اور گرج چمک کے ساتھ ہلکی بارش، برفباری ہو سکتی ہے۔
سندھ کے بیشتر اضلاع میں موسم خشک اور بالائی اضلاع میں مطلع جزوی ابرآلود رہنے کا امکان ہے، کشمیر اور گلگت بلتستان میں مطلع ابرآلود رہنے کے علاوہ بارش اور پہاڑوں پر برفباری کا امکان ہے۔ آج ریکارڈ کئے گئے کم سے کم درجہ حرارت منفی 6، گوپس، بگروٹ منفی 2، پاڑاچنار میں منفی 1 ڈگری سینٹی گریڈ ریکارڈ کیا گیا۔
نئی سفری پابندیاں،کئی ممالک کی ریڈ لسٹ جاری،پاکستان کا نام بھی شامل
