اسلام آباد(نیوزڈیسک)آزادکشمیر ، وفاقی دارلحکومت اسلام آباد وگردو نواح سمیت خیبر پختونخوا میں بارشوں کا نیا سلسلہ شروع ہونے کا امکان ہے۔ محکمہ موسمیات کے مطابق 22 سے24 جولائی تک بیشتر اضلاع میں گرج چمک کیساتھ بارش متوقع ہے۔
شدید بارشوں کے باعث ندی نالوں میں طغیانی کا خدشہ ہے۔پی ڈی ایم اے کا کہنا ہے کہ بارش کے باعث ملاکنڈ اور ہزارہ ڈویژن میں لینڈ سلائیڈنگ کا خطرہ ہے۔پی ڈی ایم اے کی سیاحوں اور مقامی لوگوں کو بارش کے دوران محتاط رہنے اور کسی بھی ناخوشگوار واقعے سے نمٹنے کیلئے انتظامیہ کو تیار رہنے کی ہدایت کی گئی ہے۔
محکمہ موسمیات کے مطابق 22 جولائی سے آزادکشمیر سمیت مختلف علاقوں میں آندھی،جھکڑ چلنے اور گرج چمک کیساتھ مزید بارشوں کی پیشگوئی کر دی ۔ موسلادھار بارشوں سے مقامی ندی نالوں میں طغیانی اور لینڈ سلائیڈنگ کا خدشہ ظاہر کر دیا گیا۔
محکمہ موسمیات کے مطابق 22جولائی سے بحیرہ عرب اور خلیج بنگال سے مون سون ہوائیں بالائی علاقوں میں داخل ہونگی، 21 سے27 جولائی کے دوران وادی نیلم، مظفر آباد،راولاکوٹ، پونچھ، باغ میں بارش کاامکان ہے۔حویلی،سدھنوتی، کوٹلی،بھمبر،میر پور میں بھی بارش متوقع ہے۔
موسم کاحال بتانے والوں نے کہا ہے کہ 22سے25 جولائی کے دوران جڑواں شہروں اسلام آباد سمیت پنجاب کے مختلف علاقوں راولپنڈی، مری، گلیات، اٹک ، چکوال، تلہ گنگ، جہلم، منڈی بہاؤالدین ، لاہور ، گجرات، گوجرانوالہ، حافظ آباد، وزیر آبادمیں بارش کاامکان ہے ۔
شیخوپورہ، سیالکوٹ، ساہیوال، جھنگ، ٹوبہ ٹیک سنگھ میں بھی بادل برسیں گے۔23اور24جولائی کوبہاولپور، بہاولنگر، ڈیرہ غازی خان، ملتان ، خانیوال، مظفر گڑھ،کوٹ ادو، راجن پور اور لیہ ، دیر، چترال، سوات، کوہستان، مالاکنڈ، باجوڑ ، شانگلہ،بونیر، کوہاٹ، باجوڑ، مہمند میں بارش ہوسکتی ہے۔
محکمہ موسمیات کے مطابق 22سے24 جولائی کے دوران پشاور، خیبر، مانسہرہ، ایبٹ آباد، ہری پور اوردیگر علاقوں میں بارش متوقع ہے۔23اور24جولائی کو بلوچستان کے بیشتر اضلاع میں موسم گرم اور مرطوب رہنے کی توقع ہے اس دوران بلوچستان کے شمالی اورمشرقی علاقوں میں گرج چمک کے ساتھ بارش کاامکان ہے۔
صوبہ سندھ میں 23اور24 جولائی کو سندھ کے بیشتر اضلاع میں موسم گرم اور انتہائی مرطوب رہنے کی توقع کی جارہی ہے تاہم اس دوران مٹھی، سانگھڑ، عمرکوٹ، تھرپارکر، میرپور خاص، سکھر میں بارش متوقع ہے۔رپورٹ کے مطابق 23اور24جولائی کو بارشوں سے مری، گلیات اور مانسہرہ کے ندی نالوں میں طغیانی کا خدشہ ہے ، اسی طرح کوہستان ،مالاکنڈ، دیر، سوات، شانگلہ، بونیر ، کرم خیبر، مہمند، نوشہرہ، صوابی اور کشمیر کے ندی نالوں میں طغیانی آسکتی ہے۔
�مزید پڑھیں: پی ٹی آئی میں 6 یا 7 گروپس ہیں، فیصل واوڈا
