اسلام آباد(نیوزڈیسک) بیشتر شہروں اور علاقوں میں آج موسم سرد اور خشک رہے گا، بالائی علاقوں میں چند مقامات پر تیز ہواؤں اور گرج چمک کے ساتھ ہلکی بارش اور پہاڑوں پر برف باری کا امکان ہے۔

بالائی علاقوں، خیبر پختونخوا، گلگت بلتستان، کشمیر اور ملحقہ پہاڑی علاقوں میں چند مقامات پر تیز ہواؤں اور گرج چمک کے ساتھ بارش اور پہاڑوں پر ہلکی برف باری کا امکان ہے۔گزشتہ 24 گھنٹے کے دوران بھی بیشتر علاقوں میں موسم سرد اور خشک جبکہ بالائی علاقوں میں شدید سرد رہا،گزشتہ روز سب سے زیادہ بارش خیبرپختونخوا کے علاقے کاکول میں 8 ملی میٹر، پنجاب کے علاقے مری میں 4 ملی میٹر، کشمیر کے علاقے راولاکوٹ میں ایک ملی میٹر ریکارڈ کی گئی۔

مزید یہ بھی پڑھیں:‌آج بروزجمعرات22فروری ستاروں کی روشنی میں آپ کا دن کیسا رہے گا ؟؟

مری میں 0.5 انچ برف باری ریکارڈ ہوئی۔بدھ کو ملک میں کم سے کم درجہ حرارت لہہ منفی 14، کالام میں منفی 13، استور میں منفی 9 ڈگری سینٹی گریڈ ریکارڈ کیا گیا۔ اسکردو میں منفی 6 ڈگری سینٹی گریڈ، گوپس میں منفی 5، مالم جبہ، بگروٹ، ہنزہ میں منفی 4،راولاکوٹ، چترال، دیر میں منفی 3 ڈگری سینٹی گریڈ، مری اور گلگت میں منفی 2 ڈگری سینٹی گریڈ درجہ حرارت ریکارڈ کیا گیا۔