ممبئی ( اے بی این نیوز )آئی سی سی مینز ٹی ٹوئنٹی ورلڈ کپ 2026 کے دوسرے سیمی فائنل میں بھارت اور انگلینڈ کے درمیان بڑا ٹاکرا شروع ہو چکا ہے، جہاں ٹاس کا مرحلہ مکمل ہوتے ہی اس اہم مقابلے کا باقاعدہ آغاز ہوگیا۔ انگلینڈ کے کپتان ہیری بروک نے ٹاس جیت کر پہلے فیلڈنگ کا فیصلہ کیا اور بھارتی ٹیم کو بیٹنگ کی دعوت دے دی، جس کے بعد اس ہائی وولٹیج میچ کا جوش و خروش عروج پر پہنچ گیا۔
کرکٹ شائقین کی نظریں اس سنسنی خیز سیمی فائنل پر جمی ہوئی ہیں، کیونکہ جیتنے والی ٹیم فائنل میں جگہ بنائے گی۔ ممبئی کے اسٹیڈیم میں تماشائیوں کی بڑی تعداد موجود ہے جبکہ سوشل میڈیا پر بھی میچ کے حوالے سے ٹرینڈز ٹاپ پر آ چکے ہیں۔ مداح اپنی پسندیدہ ٹیموں کے حق میں پوسٹس، میمز اور تبصرے شیئر کر رہے ہیں، جس سے آن لائن دنیا میں کرکٹ کا بخار مزید تیز ہو گیا ہے۔
بھارتی ٹیم مضبوط بیٹنگ لائن اپ کے ساتھ میدان میں اتری ہے جبکہ انگلینڈ کی ٹیم اپنی جارحانہ بولنگ حکمت عملی کے لیے جانی جاتی ہے۔ ماہرین کے مطابق پاور پلے کے اوورز اس میچ کا رخ متعین کر سکتے ہیں اور ابتدائی وکٹیں فیصلہ کن ثابت ہو سکتی ہیں۔ دونوں ٹیمیں متوازن کمبی نیشن کے ساتھ میدان میں موجود ہیں، جس سے ایک کانٹے دار مقابلے کی توقع کی جا رہی ہے۔
مزید پڑھیں :نیشنل ٹی ٹوئنٹی کپ کے ٹکٹوں کی قیمت کتنی ہو گی ؟ جانیںاہم تفصیلات
