لاہور ( اے بی این نیوز      )پاکستانی میڈیا اور سوشل میڈیا پر حال ہی میں ایک نیا تنازع سامنے آیا ہے۔ معروف ٹی وی میزبان فضا علی کے رمضان ٹرانسمیشن میں ماہر نفسیات ڈاکٹر نبیہ علی خان نے اپنی شادی شدہ زندگی کے مسائل پر روتے ہوئے دلخراش بیان دیا تھا، جس میں انہوں نے اپنے شوہر حارث کھوکھر اور سسرال والوں پر ذہنی اذیت، توہین اور پابندیوں کا الزام لگایا تھا۔ڈاکٹر نبیہ نے لائیو شو میں دعویٰ کیا تھا کہ شادی کے صرف دو ماہ بعد ہی انہیں شدید ذہنی تشدد کا سامنا کرنا پڑا، شوہر نے شہرت کے لیے شادی کی اور بعد میں ان کی کردار کشی کی کوشش کی۔ فضا علی نے اس دوران بہت جذباتی ہو کر خوب روئیں، ہاتھ جوڑے، اور شو کے مہمان ماہر نفسیات سے بھی جذبات کا اظہار کرنے کا مطالبہ کیا، جس پر سوشل میڈیا پر خوب تنقید ہوئی کہ یہ “اوور ایکٹنگ” اور “ڈرامہ بازی” ہے۔

اب سوشل میڈیا پر وائرل ہونے والی ایک مبینہ آڈیو لیک نے پورے معاملے کو پلٹ دیا ہے۔ آڈیو میں بریک کے دوران فضا علی اور ڈاکٹر نبیہ کی گفتگو سنائی دے رہی ہے جس میں وہ ہنستے ہوئے، مذاق کرتے اور “ریل” (یعنی ویڈیو کلپ) بنانے، “وائرل” ہونے اور “اگلا ایپی سوڈ” کی بات کر رہی ہیں۔ آڈیو سے یہ تاثر ملتا ہے کہ پورا واقعہ شو کی ریٹنگ بڑھانے اور ٹی آر پی (ٹارگٹ ریٹنگ پوائنٹس) حاصل کرنے کے لیے اسٹیجڈ (منظم اور تیار شدہ) تھا۔ایک وائرل ویڈیو کلپ میں دونوں بریک کے دوران خوب قہقہے لگاتی دکھائی دے رہی ہیں،

جبکہ لائیو شو میں ڈاکٹر نبیہ رو رہی تھیں اور فضا علی جذباتی ہو کر “ٹشو پیپر” کی طرح استعمال ہونے کی بات کر رہی تھیں۔ سوشل میڈیا یوزرز نے اسے “فلاپ ڈرامہ” قرار دیتے ہوئے دونوں پر شدید تنقید کی ہے۔کچھ اہم ردعمل یہ ہیں:صارفین کا کہنا ہے کہ رمضان جیسے بابرکت مہینے میں جھوٹ اور ڈرامہ بازی کر کے اللہ کی لعنت مول لینا سراسر شرمناک ہے۔کئی لوگوں نے اسے پاکستانی میڈیا کی “سنسنی خیزی” اور “جھوٹی کہانیوں” کی ایک اور مثال قرار دیا۔میمز اور ری ایکٹ ویڈیوز وائرل ہو رہے ہیں جن میں مشہور شخصیات نے بھی اس کلپ کی نقل اتاری ہے۔کچھ صارفین نے ڈاکٹر نبیہ کی ذہنی حالت پر بھی سوال اٹھائے اور کہا کہ انہیں چیک اپ کی ضرورت ہے۔اب تک فضا علی اور ڈاکٹر نبیہ علی خان کی طرف سے اس آڈیو لیک پر کوئی باضابطہ وضاحت سامنے نہیں آئی ہے۔

فضا علی اور ڈاکٹر نبیحہ فلاپ ڈرامہ کرنے کے بعد کہکے لگاتے ہوئے ۔۔۔۔ pic.twitter.com/oFJnRfulmU

— Fatima PTI (@FatimaPTI_IK) February 23, 2026

مزید پڑھیں :60 سالہ حکیم کی خوبرو دوشیزہ سےشادی،ویڈیو وائرل، حکیم کا چھکا،60 پر ناٹ آئوٹ،صارفین کے ریمار کس