کراچی(نیوز ڈیسک )ایک رپورٹ کے مطابق، کراچی کو 100 میں سے 93.12 کی درجہ بندی کے ساتھ سیاحوں کے لیے دوسرا خطرناک شہر قرار دیا گیا ہے۔
11 جولائی کو فوربس ایڈوائزر کی تین خطرناک ترین شہروں کی فہرست کے مطابق، کراچی وینزویلا کے کراکس کے بعد دوسرے نمبر پر تھا، جس کا اسکور 100 تھا، جبکہ میانمار کا ینگون 100 میں سے 91.67 کے اسکور کے ساتھ تیسرے نمبر پر تھا۔درجہ بندی کے مطابق، شہر کو سب سے زیادہ ذاتی سلامتی کا خطرہ تھا، جو جرائم، تشدد، دہشت گردی کے خطرات، قدرتی آفات اور معاشی کمزوریوں کے خطرے کی عکاسی کرتا ہے۔
اس میں کہا گیا ہے کہ کراچی کو امریکی محکمہ خارجہ کی جانب سے سفری حفاظت کی دوسری بدترین (سطح 3، سفر پر نظر ثانی کریں) کی درجہ بندی حاصل ہے۔درجہ بندی میں مزید کہا گیا ہے کہ میٹروپولیس کو چوتھے سب سے زیادہ انفراسٹرکچر سیکیورٹی رسک کا سامنا ہے جو کہ شہر کے بنیادی ڈھانچے کی دستیابی اور معیار کو ظاہر کرتا ہے۔
سیاحوں کے لیے سب سے زیادہ اور سب سے کم خطرناک شہروں کا پتہ لگانے کے لیے، فوربس ایڈوائزر نے کہا کہ اس نے سات اہم میٹرکس میں 60 بین الاقوامی شہروں کا موازنہ کیا۔کراچی بارہا ناقابلِ رہائش شہروں کی فہرست میں شامل ہوا ہے۔اکانومسٹ انٹیلی جنس یونٹ نے 2017 میں اس شہر کو دنیا کے سب سے کم محفوظ شہروں میں شامل کیا تھا۔
اکانومسٹ گروپ کے ریسرچ اینڈ اینالائسز ڈویژن نے کراچی کو دنیا کے پانچ سب سے کم رہنے کے قابل شہری مراکز میں شمار کیا۔دریں اثنا، سنگاپور 0 کے سکور کے ساتھ پہلے، جاپان کا ٹوکیو 10.72 کے سکور کے ساتھ دوسرے اور کینیڈا کا ٹورنٹو 13.6 کے سکور کے ساتھ تیسرے نمبر پر دنیا کے تین محفوظ ترین شہروں کے طور پر رہا۔
مزید پڑھیں: امریکی سینیٹ میں پاکستان اور چین مخالف بل پیش کردیا گیا
