لاہور(نیوزڈیسک)قومی کرکٹ ٹیم کے کپتان بابر اعظم کو پولیس نے لاہور کے مین لبرٹی چوک پر روک لیا۔کرکٹربابر اعظم کو اپنی لگژری گاڑی میں لبرٹی چوک سے گزرتے ہوئے ایکسائز پولیس نے روکا،ایکسائز پولیس نے قومی کرکٹر کو گاڑی کی نمبر پلیٹ کے فونٹ سائز اسٹینڈرڈ سائز سے کم ہونے پر روکا۔کرکٹر بابر اعظم نے پولیس افسر کے ساتھ مکمل تعاون کیا، اس دوران انہیں گاڑی کی نمبر پلیٹ تبدیل کرنے کی ہدایت کی گئی۔پولیس حکام کی جانب سے گاڑی کے کاغذ اور دیگر ضروری دستاویزات کے حوالے سے بھی پوچھا گیا۔
