راولپنڈی ( اے بی این نیوز)افغانستان کی جانب سے سہ ملکی سیریز میں شرکت سے انکار کے بعد پاکستان کرکٹ بورڈ (پی سی بی) نے زمبابوے ٹیم کو حتمی شکل دے دی ہے۔
اعلامیے کے مطابق زمبابوے کرکٹ نے سہ فریقی سیریز کے لیے پی سی بی کی دعوت قبول کر لی ہے۔
پی سی بی کے اعلامیے کے مطابق پاکستان، زمبابوے اور سری لنکا کے درمیان ٹی ٹوئنٹی سہ فریقی سیریز نومبر میں ہوگی، سہ فریقی سیریز 17 سے 29 نومبر تک راولپنڈی اور لاہور میں کھیلی جائے گی۔
پی سی بی کے اعلامیے میں کہا گیا ہے کہ پاکستان اور زمبابوے کے درمیان افتتاحی میچ 17 نومبر کو شیڈول ہے جبکہ سری لنکا اور زمبابوے کے درمیان میچ 19 نومبر کو راولپنڈی میں شیڈول ہے۔
مزید پڑھیں:افغان طالبان نے پاکستان مخالف پروپیگنڈا نہ کرنے پر نجی ٹی وی چینل کو زبردستی بند کردیا
