دبئی (اے بی این نیوز)ایشیا ءکپ کی 41 سالہ تاریخ میں پہلی مرتبہ روایتی حریف پاکستان اور بھارت اتوار کو فائنل میں مدمقابل آئینگے۔

کسی بھی میگا ایونٹ میں فائنل سے پہلے دونوں ممالک کی ٹیموں کے کپتان ٹرافی کے ہمراہ فوٹو شوٹ کرواتے ہیں۔تاہم میڈیا رپورٹ کے مطابق پاکستان اور بھارت کے درمیان جاری حالیہ تناؤ کے سبب اس بار فائنل سے پہلے دونوں کپتانوں کا ٹرافی کے ساتھ روایتی فوٹو شوٹ نہیں ہورہا۔

ذرائع کا کہنا ہے کہ منتظمین نے اس بات کی تصدیق کی کہ آج ایسا کچھ نہیں ہورہا تاہم کل میچ سے قبل اس سے متعلق حتمی فیصلہ کیا جائے گا۔واضح رہے کہ بھارتی ٹیم نے ایشیاء کپ کے گروپ اور سپر فور مرحلے کے میچز میں پاکستانی ٹیم سے ہاتھ ملانے سے گریز کیا تھا۔
مزید پڑھیں: پی ٹی آئی آج پشاور میں سیاسی قوت کا مظاہرہ کریگی