فیروزپور(اے بی این نیوز)ٹیپ بال کرکٹ میچ میں ایک افسوسناک واقعہ پیش آیا ہے، نوجوان بیٹر کو چھکا مارتے ہی دل کا دورہ پڑنے چل بسا۔بھاتی میڈیا کے مطابق بھارتی پنجاب کے فیروز پور کے ڈی اے وی اسکول گراؤنڈ میں ہونے والے کرکٹ میچ سے بھی آ رہی ہے۔

جہاں کرکٹ میچ کے دوران چھکا لگانے کے بعد بلے باز دل کا دورہ پڑنے سے چل بسا۔ میڈیارپورٹ کے مطابق نوجوان بیٹر جیت سنگھ نے اپنی باری کے دوران ایک زبردست چھکا مارا، جسکے بعد اس کا بیٹنگ پارٹنر آ کر اسے شاباش دیتا ہے۔

تاہم، اچانک جیت سنگھ گر پڑا اور وہاں موجود کھلاڑی، امپائر اور تماشائی دنگ رہ گئے۔ اس دل دہلا دینے والے منظر نے میچ میں موجود ہر فرد کو سکتے میں ڈال دیا۔میچ کے دوران بنائی گئی ویڈیو وائرل ہوگئی، ویڈیو کے آغاز میں مذکورہ کھلاڑی اعتماد کے ساتھ ایک زبردست چھکا لگاتا ہے جبکہ اسکا بیٹنگ پارٹنر اس آکر شاباش بھی دیتا ہے۔

تاہم اسی دوران اچانک جیت سنگھ دھڑام سے زمین پر گرتا ہوا نظر آتا ہے، جس سے وہاں موجود کھلاڑی، امپائر اور تماشائی دنگ رہ جاتے ہیں۔اسے فوری طور قریبی اسپتال لے جانے کی کوشش کی گئی تاہم وہاں پہنچنے پر جیت سنگھ کو مردہ قرار دے دیا گیا، اس دل دہلا دینے والی ویڈیو کلپ نے آن لائن صارفین میں اب نئی بحث چھیڑ دی ہے۔

انٹرنیٹ پر کچھ صارفین اس واقعے کو ویکسینیشن کے بعد کے ممکنہ ضمنی اثرات سے جوڑتے ہوئے بھی نظرآئے جبکہ کئی دوسرے لوگوں کا خیال ہے کہ یہ واقعہ نوجوانوں میں تناؤ کی سطح میں خطرناک حد تک اضافے کو اجاگر کرتا ہے۔