کراچی (اے بی این نیوز)پاکستان سپر لیگ 10 کیلئے کراچی کنگز اور پشاور زلمی نے اپنے غیر ملکی کھلاڑیوں کی فہرست مکمل کرلیں۔رپورٹ کے مطابق پاکستان سپر لیگ 10 کیلئے کراچی کنگز کے اوورسیز کھلاڑی فائنل کرلیے گئے۔کراچی کنگز کی جانب سے جاری فہرست کے مطابق ڈیوڈ وارنر، ٹم سائفرٹ، بین میکڈرموٹ ایونٹ کے بقیہ میچز کیلئے دستیاب ہونگے جبکہ جیمز ونس اور محمد نبی بھی کراچی کنگز کی نمائندگی کریں گے۔
پاکستان سپر لیگ 10 میں کراچی کنگز اپنا اگلا میچ پشاور زلمی کیخلاف کھیلے گی۔پشاور زلمی نے بھی غیر ملکی کھلاڑی فائنل کرلیے، لیوک ووڈ، میکس برائنٹ، ٹام کیلر کیڈمور اور نجیب اللہ زادران پی ایس ایل 10 کے بقیہ میچز کیلئے ٹیم کو دستیاب ہونگے۔
رپورٹ کے مطابق پی ایس ایل 10 کیلئے تمام غیر ملکی کھلاڑی جلد ہی اپنی ٹیموں کو جوائن کرلیں گے۔پاکستان سپر لیگ 10 کے بقیہ میچز کا کل سے آغاز ہورہا ہے، ایونٹ کے باقی میچز راولپنڈی اور لاہور میں کھیلے جائیں گے۔
مزید پڑھیں: سیالکوٹ ،افغان شہریوں کے فرار کا معاملہ،ایف آئی اے اہلکاروں کیخلاف مقدمہ درج
