ولنگٹن (اے بی این نیوز) نیوزی لینڈ کے کرکٹر مارک چیپمین پاکستان کے خلاف تیسرے ون ڈے میچ سے بھی باہر ہوگئے۔مارک چیپمین پہلے ون ڈے میچ میں ہیم اسٹرنگ انجری کا شکار ہوئے تھے جس کی وجہ سے وہ دوسرا ون ڈے میچ نہیں کھیل سکے تھے۔
نیوزی لینڈ کرکٹ کے مطابق ٹریننگ سیشن کے دوران مارک چیپمین کی انجری کا معائنہ کیا گیا تاہم وہ مکمل صحت یاب نہیں ہوسکے، ان کی جگہ ٹم سائفرٹ ہی اسکواڈ میں برقرار رہیں گے۔
واضح رہے کہ 3 میچز کی سیریز کے دونوں میچ نیوزی لینڈ ٹیم جیت چکی ہے۔ پاکستانی وقت کے مطابق پاکستان اور نیوزی لینڈ کے درمیان سیریز کا تیسرا میچ جمعے اور ہفتے کی درمیانی شب کھیلا جائے گا۔دوسری جانب قومی اسکواڈ نے بارش کے باعث بے اوول میں انڈور پریکٹس سیشن کیا۔
10 مزید پڑھیں: منزلہ عمارت جتنا سیارچہ چاند سے ٹکرانے والا ہے؟
