اسلام آباد ( اے بی این نیوز )پاکستان کرکٹ بورڈ (پی سی بی) نے بارش سے متاثرہ میچوں کے ٹکٹوں کی رقم واپس کرنے کا اعلان کر دیا ہے۔
آئی سی سی چیمپئنز ٹرافی کے دوران راولپنڈی کرکٹ اسٹیڈیم میں دو میچ بارش کے باعث بغیر گیند کرائے ختم ہوگئے تھے۔ پی سی بی نے آئی سی سی چیمپئنز ٹرافی 2025 کے لیے ٹکٹوں کی واپسی کی پالیسی مرتب کی ہے، جس کے مطابق اگر میچ ٹاس سے پہلے ختم کر دیا جائے تو ٹکٹ ہولڈرز مکمل رقم کی واپسی کے اہل ہوں گے۔
تاہم، ہاسپٹلیٹی باکسز اور پی سی بی گیلری کے ٹکٹ ہولڈرز رقم کی واپسی کے اہل نہیں ہوں گے۔ اہل ٹکٹ ہولڈرز 10 مارچ 2025 سے 14 مارچ 2025 کے درمیان منتخب TCS آؤٹ لیٹس پر اپنی رقم کی واپسی کا دعویٰ کر سکتے ہیں۔
