کرائسٹ چرچ(نیوزڈیسک)پاکستانی ویمن کرکٹر فاطمہ ثناءنے نیوزی لینڈ کرکٹ بورڈ کیساتھ معاہدہ کرلیا ۔فاطمہ ثناء خواتین سپر سمیش ٹی ٹوئنٹی میں کینٹیبری میجیشئینز کی نمائندگی کریں گی۔فاطمہ ثناء کو ابتدائی 6 میچز کیلئے سائن کیا گیا ہے۔ فاسٹ بولر فاطمہ ثناء قومی ٹیم کے ساتھ دورہ نیوزی لینڈ پر تھیں۔ فاطمہ ثناء کا کہنا ہے کہ نیوزی لینڈ میں ٹی ٹوئننی لیگ کھیلنا میرے لیے اچھا موقع ہے، میں اپنی ٹیم کیلئے بھرپور کردار ادا کرنے کی کوشش کروں گی۔فاطمہ ثناء اس سے قبل سی پی ایل بھی کھیل چکی ہیں۔