دبئی (نیوزڈیسک) آئی سی سی اجلاس آج متوقع، اجلاس میں آئندہ برس شیڈول ٹی ٹوئنٹی ورلڈکپ کو حتمی شکل دیئے جانے کا امکان ۔آئی سی سی ٹی ٹوئنٹی کرکٹ ورلڈکپ 2024 میں پاک بھارت ٹاکرا امریکی شہر نیو یارک میں کروانے پر اتفاق کر لیا ۔میڈیا رپورٹس کے مطابق پاک بھارت میچ کے حوالے سےآئی سی سی اور آرگنائزنگ کمیٹی کے درمیان اتفاق طے پاگیا۔ایزن ہاور اسٹیڈیم نیو یارک سے 25 کلومیٹر دور لانگ آئی لینڈ میں ہے جس میں 34 ہزار شائقین کے بیٹھنے کی گنجائش موجود ہے۔ ٹی وی ناظرین کیلئے بھارت کے میچز امریکی وقت کے مطابق علی الصبح کروانے پر بھی اتفاق کرلیا گیا ہے۔ذرائع کا بتانا ہے کہ امریکی شہر فلوریڈا اور ٹیکساس ورلڈکپ مقابلوں کے میزبان ہوں گے جبکہ ٹی ٹوئنٹی ورلڈکپ فائنل کی میزبانی بارباڈوس کرے گا۔میڈیا رپورٹ کے مطابق آج دبئی میں ہونے والے آئی سی سی اجلاس میں آئندہ برس شیڈول ٹی ٹوئنٹی ورلڈکپ کو حتمی شکل دیئے جانے کا امکان ہے۔آئی سی سی ٹی ٹوئنٹی ورلڈکپ 2024 کے مشترکہ میزبان امریکا اور ویسٹ انڈیز ہیں۔