سابق کرکٹرزعبدالرزاق نے کہا کہ پاکستان کو کیویز کیخلاف پچ کے مطابق کھیلنا پڑے گا۔ فخر زمان کو لمبی اننگ کھیلنی پڑے گی، شاہین کو پچ کے مطابق بولنگ کروانا ہوگی۔پی سی بی میں رسہ کشی کے حوالے سے سابق آل راؤنڈر عبدالرزاق کا کہنا تھا کہ سابق کپتان شاہد خان آفریدی کے چیف سلیکٹر بننے کے امکانات روشن ہیں۔سابق آل راؤنڈر کا کہنا تھا کہ کرکٹ بورڈ کی ذمہ داری ہے کھلاڑیوں کا خیال رکھے، کسی کے ہونے نہ ہونے سے ٹیم کو فرق نہیں پڑتا۔عبدالرزاق کا مزید کہا کہ نسیم شاہ کا فرق اس لئے پڑرہا ہے کیوں کہ ہم نے کوئی دوسرا تیار نہیں کیا۔آل راؤنڈر عماد وسیم نے کہا کہ میری نظر میں آج کا میچ پری کوارٹرفائنل ہے،بابر اعظم کو ڈر کے نہیں کھیلنا چاہیے۔فاسٹ بولر محمد عامر کا کہنا تھا کہ نیوزی لینڈ کو جلدی آؤٹ کریں تو وہ دباؤ میں آسکت ہیں،کپتانی میں کسی غلطی کی گنجائش نہیں ہے۔واضح رہے کہ ورلڈ کپ کرکٹ میں پاکستان اور نیوزی لینڈ کے درمیان اہم مقابلہ آج بنگلورو میں ہورہا ہے۔گرین شرٹس کو سیمی فائنل تک رسائی کی امیدوں کو برقرار رکھنے کے لیے میچ میں فتح حاصل کرنا ضروری ہے۔
