ممبئی (نیوزڈیسک)ورلڈکپ کے 20 ویں میچ میں جنوبی افریقا نے انگلینڈ کو229رنز کے بڑے مارجن سے شکست دیدی،ہفتہ کو ممبئی کے وانکھیڈے اسٹیڈیم میں کھیلے جارہے میچ میں انگلینڈ نے جنوبی افریقا کے خلاف ٹاس جیت کر فیلڈنگ کا فیصلہ کیا۔جنوبی افریقا نے پہلے بیٹنگ کرتے ہوئے رن کا انبار لگادیا اور 50 اوور میں7 وکٹوں کے نقصان پر 399 رن بنا ڈالے۔ایڈن مرکرم نے 48 اور ہینرچ کلاسین نے 67 گیندوں پر 109 رن کی شاندار اننگ کھیلی، ان کی اننگ میں 4 چھکے اور 12 چوکے شامل تھے، مارکو جینسن نے بھی 42 گیندوں پر 75 رن کی شاندار اننگ کھیلی۔انگلینڈ کی جانب سے عادل رشید نے 2 اور ریکی ٹاپلی نے 3 وکٹیں حاصل کیں۔جواب میں انگلینڈ کی ٹیم ریت کی دیوار ثابت ہوئی اور صرف 22اوورزمیں ہی 170رنز بنا کر پویلین لوٹ گئی۔