کراچی(نیوزڈیسک)27ویں چیف آف نیول اسٹاف گالف چیمپئن شپ فائنل مرحلے میں داخل ہوگئی، ٹاپ پوزیشن پر موجود گالفرز تیسرے روز اچھے کھیل کا مظاہرہ نہ کرسکے۔پی این ایس کارساز کراچی گالف کلب میں جاری چیف آف نیول اسٹاف گالف چیمپئن شپ کے تیسرے روز بازی پلٹ گئی، دو روز سے پہلی پوزیشن پر موجود مطلوب احمد چوتھی پوزیشن پر چلے گئے کیونکہ تیسرے روز انہوں نے صرف ون انڈر پار 71 اسکور بنایا، ان کا مجموعی اسکور 208 ہے۔احمد بیگ بھی دوسری سے تیسری پوزیشن پر چلے گئے، وہ پہلے دن ٹاپ پوزیشن پر تھے، البتہ تیسرے روز محمد شبیر اقبال ا ور محمد شہزاد کا کھیل سب سے نمایاں رہا۔امیچر کیٹیگری میں تیسرے روز ابتدائی تین پوزیشنز میں کوئی تبدیلی نہیں ہوئی، سینئر پروفیشنلز میں اسلام آباد کے محمد طارق 5 انڈر پار 67 اسکور کے ساتھ ٹاپ پوزیشن پر ہیں، دوسری پر اعجاز حسین اور تیسری پوزیشن پر پرویز اختر ہیں۔جونیئر کیٹیگری میں راشد بیگ 3 اوور پار کے ساتھ پہلے، احسن امجد دوسرے اور عابد اقبال تیسرے نمبر پر ہیں۔