لاہور(نامہ نگار) نجم سیٹھی پی سی بی چیئرمین شپ کی دوڑ سے دستبردار ہو گئے۔نجم سیٹھی نے اپنے ٹوئٹر پیغام میں لکھا کہ آصف زرداری اور شہباز شریف کے درمیان وجہ تنازعہ نہیں بننا چاہتا، ایسا عدم استحکام پی سی بی کے لیے اچھا نہیں۔انہوں نے لکھا کہ ان حالات میں میں چیئرمین پی سی بی کے عہدے کا امیدوار نہیں تاہم تمام اسٹیک ہولڈرز کے لیے نیک خواہشات کا اظہار کرتا ہوں۔واضح رہے کہ 21 جون کو پی سی بی مینجمنٹ کمیٹی کی مدت پوری ہورہی ہے، اس سے پہلے وزیراعظم کی جانب سے نئے پی سی بی سربراہ کے لیے باقاعدہ دوافراد کی نامزدگی کا خط جاری کیا جانا ہے۔ پی سی بی بورڈ آف گورنز خصوصی اجلاس میں پیٹرن کے نامزد دو افراد میں سے کسی ایک کو نئے سربراہ کے طورپر چنیں گے۔
Salaam everyone! I don’t want to be a bone of contention between Asif Zardari and Shehbaz Sharif. Such instability and uncertainty is not good for PCB. Under the circumstances I am not a candidate for Chairmanship of PCB. Good luck to all stakeholders.
— Najam Sethi (@najamsethi) June 19, 2023
