ڈارون (اے بی این نیوز) بنگلہ دیش کے فاسٹ باؤلر حسن محمود بھی سابق پاکستانی کپتان اور لیجنڈری فاسٹ بولر وسیم اکرم کے ساتھ آسٹریلیا میں اپنے پہلے ٹیسٹ میچ میں بہترین اعداد و شمار حاصل کرنے والے مہمان باؤلرز کے ایلیٹ گروپ میں شامل ہوگئے۔
آل راؤنڈر مہدی حسن میراز اور تیز گیند باز حسن محمود کی شاندار پرفارمنس سے متاثر مہمانوں نے اتوار کو مارارا اسٹیڈیم میں آسٹریلیا کو نو وکٹوں سے شکست دے کر آسٹریلیا کی سرزمین پر تاریخی ٹیسٹ جیت حاصل کی۔
مہدی حسن میراز نے پہلی اننگز میں نصف سنچری کے ساتھ اہم کردار ادا کیا اور دوسری میں پانچ وکٹیں حاصل کیں جبکہ حسن محمود نے ابتدائی اننگز میں شاندار چھ وکٹیں لے کر بنگلہ دیش کے پیس اٹیک کی قیادت کی۔
26 سالہ تیز گیند باز نے میچ میں نو وکٹیں لے کر بنگلہ دیش کی تاریخی فتح میں اہم کردار ادا کیا۔ ان کے شاندار اسپیل نے پہلی اننگز میں آسٹریلیا کی بیٹنگ لائن اپ کو چیر دیا۔
آسٹریلیا میں اپنے پہلے ٹیسٹ میں مہمان باؤلر کے بہترین اعداد و شمار:
وسیم اکرم (پاکستان) – 11/160 1990ء میں
مورس ٹیٹ (انگلینڈ) – 11/128 1924ء میں
حسن محمود (بنگلہ دیش) – 2026ء میں 9/111
مزید پڑھیں: کرکٹ میچ کے دوران گرل فرینڈ کو میسج کرنا بھارتی کرکٹر کو مہنگا پڑ گیا
