لاہور(اے بی این نیوز)پاکستان کرکٹ ٹیم کے سابق کپتان اظہر علی پی سی بی کے عہدوں سے مستعفی ہوگئے۔ذرائع کے مطابق پاکستان کرکٹ ٹیم کے سابق کپتان اظہر علی سلیکشن کمیٹی کے رکن اور یوتھ ڈیولپمنٹ کے سربراہ تھے۔
واضح رہے کہ پاکستان کرکٹ بورڈ پی سی بی کی جانب سے سابق کپتان کو سلیکشن کمیٹی کے رکن کے ساتھ یوتھ ڈیولمپنٹ کا سربراہ مقرر کیا گیا تھا۔پی سی بی کا کہنا تھا کہ اظہر علی کا تجربہ اور وژن نوجوانوں کی کرکٹ کی ترقی وکامیابی میں اہم کردار ادا کرے گا۔
پی سی بی کا اپنی جاری کردہ پریس ریلیز میں کہنا تھا کہ پاکستان کرکٹ کے مستقبل کی تشکیل کیلئے نوجوانوں کی کرکٹ کی جامع حکمت عملی کو ڈیزائن اور نافذ کرنا، مضبوط گراس روٹ کرکٹ ڈھانچہ، ریجنل کرکٹ ایسوسی ایشنوں کے ساتھ مل کر ایج گروپ کے پروگراموں کو مضبوط کرنا، پی سی بی کے پاتھ وے پروگرام کے تحت ابھرتے ہوئے کرکٹرز کی تعلیم وتربیت، سیمینارز اور کلینک کا انعقاد خواہشمند کھلاڑیوں کیلئے آف فیلڈ ڈیولپمنٹ کے بارے میں آگاہی پیدا کرنا شامل ہے۔
اظہر علی کا انٹرنیشنل کرکٹ کیریئر 2010 سے 2022 تک 12 سالوں پر محیط ہے۔ اس دوران انہوں نے 97 ٹیسٹ اور 53 ون ڈے میں پاکستان کی نمائندگی کی جب کہ 9 ٹیسٹ اور 31 ون ڈے میچوں میں قومی ٹیم کی کپتانی بھی کی۔
مزید پڑھیں: افریقی ملک کانگو میں طیارے کی کریش لینڈنگ
