ہانگ کانگ (اے بی این نیوز)پاکستان اور بھارت کی ٹیمیں ہانگ کانگ سکسزمیں ایک بار پھر آمنے سامنے ہونگی۔روایتی حریفوں پاک بھارت کے درمیان 7 نومبر بروز ہفتہ کو جوڑ پڑے گا، ہانگ کانگ سکسز میں بارہ ٹیموں کو چار گروپس میں تقسیم کیا گیا ہے۔
پاکستان اور بھارت گروپ سی میں ہیں ان کے گروپ میں کویت کی ٹیم بھی شامل ہے، ہانگ کانگ سکسز ٹورنامنٹ 7 سے 9 نومبر تک کھیلا جائے گا۔گزشتہ روز پی سی بی نے عباس آفریدی کی قیادت میں ہانگ کانگ سکسز کے لئے پاکستانی ٹیم کا اعلان کر دیا تھا، پاکستانی ٹیم پانچ نومبر کوٹورنامنٹ کھیلنے کے لئے روانہ ہوگی۔
ہانگ کانگ سکسز کے لئے قومی ٹیم میں عباس آفریدی کے علاوہ عبدالصمد، خواجہ محمد نافع، معاذ صداقت، محمد شہزاد، سعد مسعود، شاہد عزیز اور محمد فائق شامل ہیں۔
یاد رہے کہ پاکستان اور بھارت کی کرکٹ ٹیمیں ستمبر میں ایشیا کپ میں 3 مرتبہ مدمقابل آئیں، یہ تینوں مقابلے بھارت کے نام رہے تھے۔
مزید پڑھیں: بلوچستان سے افغان مہاجرین کے انخلا کے اثرات پراپرٹی کی قیمتوں پر پڑنے لگے
