دبئی (اے بی این نیوز)آئی سی سی نے سری لنکا کی سابق ڈومیسٹک کرکٹر سالیہ سمن پر کرکٹ کے تمام فارمیٹس سے 5 سال کی پابندی لگا دی ہے۔یہ فیصلہ آئی سی سی کے انسداد بدعنوانی ٹریبونل کی جانب سے انہیں امارات کرکٹ بورڈ کے اینٹی کرپشن کوڈ کی خلاف ورزی کا مرتکب پایا جانے کے بعد کیا گیا۔

سالیہ سمن ان 8 افراد میں شامل تھیں جن پر ستمبر 2023 میں انسداد بدعنوانی کے قوانین کی خلاف ورزی کا الزام عائد کیا گیا تھا۔ یہ الزامات 2021 کی ابوظہبی ٹی 10 کرکٹ لیگ اور اس کے دوران میچ فکسنگ کی کوششوں سے متعلق تھے، جنہیں آئی سی سی اور ای سی بی کے انسداد بدعنوانی حکام نے ناکام بنا دیا تھا۔
مکمل سماعت کے بعد جس میں تحریری اور زبانی دلائل پیش کیے گئے، ٹریبونل نے سالیہ سمن کو قصوروار قرار دیتے ہوئے 5 سال کی پابندی عائد کر دی۔

مزید پڑھیں :سونا سستا ہو گیا