لاہور ( اے بی این نیوز    )لاہور قلندرز بمقابلہ کوئٹہ گلیڈی ایٹرز کا میچ آندھی اور بارش کے باعث منسوخ کر دیا گیا۔ پاکستان سپر لیگ سیزن 10 کے 21ویں میچ میں کوئٹہ گلیڈی ایٹرز نے لاہور قلندرز کے خلاف ٹاس جیت کر فیلڈنگ کا فیصلہ کیا۔ تاہم خراب موسم کی وجہ سے میچ منسوخ کر دیا گیا۔

ٹاس کے بعد کوئٹہ گلیڈی ایٹرز کے کپتان سعود شکیل کا کہنا تھا کہ بولنگ یونٹ گزشتہ تینوں میچوں میں اچھی کارکردگی کا مظاہرہ کر رہا ہے، امید ہے اس میچ میں بھی اچھی بولنگ ہوگی۔

لاہور قلندرز کے کپتان شاہین شاہ آفریدی کا کہنا ہے کہ اگر ہم ٹاس جیتتے تو بیٹنگ کرتے، 170 سے 180 رنز دفاع کے لیے اچھا ہدف ہے۔
کوئٹہ گلیڈی ایٹرز کے محمد عامر بخار کے باعث میچ کی ٹیم کا حصہ نہیں تھے۔ ٹیم کے ترجمان کا کہنا ہے کہ ابھرتے ہوئے فاسٹ باؤلر محمد ذیشان کو پلیئنگ الیون میں شامل کیا گیا ہے۔

مزید پڑھیں :وزیر امور کشمیر و گلگت بلتستان انجینئر امیر مقام کا قافلہ حادثے کا شکار