کراچی ( اے بی این نیوز )پی ایس ایل 10،پشاور کا کوئٹہ کے خلاف ٹاس جیت کر باؤلنگ کا فیصلہ۔ پاکستان سپر لیگ (پی ایس ایل) 10 کے اہم میچ میں پشاور زلمی نے کوئٹہ گلیڈی ایٹرز کے خلاف ٹاس جیت کر پہلے بولنگ کا فیصلہ کیا ہے۔
لاہور میں کھیلے جارہے پی ایس ایل 10 کے 17ویں میچ میں ٹاس کے بعد پشاور زلمی کے کپتان بابر اعظم نے تازہ پچ کو دیکھتے ہوئے اپنے بولرز پر اعتماد کا اظہار کیا ہے جب کہ کوئٹہ گلیڈی ایٹرز کے کپتان سعود شکیل نے 180 سے 200 رنز کا ہدف دینے کی امید ظاہر کی ہے۔
دونوں ٹیمیں اب تک 5 میں سے 2 میچ جیت چکی ہیں اور آج کی جیت کو جاری رکھنے کے لیے کوشاں ہیں۔ لاہور قلندرز اور کراچی کنگز کے درمیان تاریخی معرکے کے بعد پی ایس ایل میں جہاں پشاور کوئٹہ دشمنی بھی ایک نئے روایتی حریف کے طور پر ابھر رہی ہے وہیں ماضی میں کئی سنسنی خیز مقابلے بھی دیکھنے کو مل چکے ہیں۔
پشاور زلمی کے نوجوان فاسٹ باؤلر علی رضا نے اپنی شاندار کارکردگی سے سب کی توجہ حاصل کر لی ہے اور ٹورنامنٹ کے ساتھ ساتھ ان کا اعتماد بھی بڑھ رہا ہے۔ آخری میچ میں بابر اعظم اور حسین طلعت کی نصف سنچریوں نے پشاور کو لاہور قلندرز کے خلاف آسان فتح دلائی۔ دوسری جانب کوئٹہ گلیڈی ایٹرز نے گزشتہ میچ میں قذافی اسٹیڈیم میں پی ایس ایل کی تاریخ کے کم ترین اسکور کا کامیابی سے دفاع کرکے سب کو حیران کردیا۔
مزید پڑھیں :بھارت جنگ سے پہلے ہی پسپا،انڈین کور کمانڈر نے پول کھول دی،پاکستان کا سامنا کرنے سے خوف زدہ،تکنیکی برتری زیرو
