کراچی (  اے بی این نیوز        ) پی ایس ایل 10: کراچی کنگز نے پشاور زلمی کو 2 وکٹوں سے شکست دے دی۔ پاکستان سپر لیگ (پی ایس ایل) 10 کے گیارہویں میچ میں کراچی کنگز نے پشاور زلمی کو شکست دے دی۔

آج کا میچ کراچی کے نیشنل اسٹیڈیم میں کھیلا جا رہا ہے جس میں کراچی کنگز کے کپتان ڈیوڈ وارنر نے ٹاس جیت کر پشاور زلمی کے کپتان بابر اعظم کو بیٹنگ کی دعوت دی۔ پشاور زلمی نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 147 رنز بنائے۔

پشاور زلمی کی جانب سے کپتان بابر اعظم نے 46 رنز کی اننگز کھیلی، اس کے علاوہ محمد حارث 28، حسین طلعت 18، ٹام کوہلر-کیڈمور 7، مچل مچل اوون 5، صائم ایوب 4، لیوک ووڈ اور عبدالصمد نے 2، 2 رنز بنائے۔

پشاور زلمی کے کھلاڑی الزاری جوزف 24 اور عارف یعقوب ایک رن بنانے کے بعد ناٹ آؤٹ رہے۔ کراچی کنگز کی جانب سے خوشدل شاہ اور عباس آفریدی نے 3،3 جبکہ میر حمزہ اور عامر جمال ایک ایک وکٹ لینے میں کامیاب رہے۔

کراچی کنگز اسکواڈ
آج کے میچ میں کراچی کنگز کی قیادت ڈیوڈ وارنر کررہے ہیں جب کہ ٹیم میں ٹم سیفرٹ (وکٹ کیپر)، جیمز ونس، سعد بیگ، خوشدل شاہ، محمد نبی، عامر جمال، عرفان خان نیازی، عباس آفریدی، حسن علی، میر حمزہ شامل ہیں۔

پشاور زلمی سکواڈ
پشاور زلمی کے کپتان بابر اعظم ہیں جب کہ دوسری ٹیم صائم ایوب، محمد حارث (وکٹ کیپر)، ٹام کوہلر کیڈمور، مچل اوون، حسین طلعت، عبدالصمد، لیوک ووڈ، الزاری جوزف، عارف یعقوب اور علی رضا پر مشتمل ہے۔

یاد رہے کہ کراچی کنگز نے اب تک اپنے 4 میچز میں سے 2 جیتے ہیں، اور 4 پوائنٹس کے ساتھ دوسرے نمبر پر ہے، جب کہ پشاور زلمی ایک جیت کے ساتھ پوائنٹس ٹیبل پر پانچویں نمبر پر ہے۔

اس وقت اسلام آباد یونائیٹڈ 8 پوائنٹس کے ساتھ پہلے نمبر پر ہے جبکہ ملتان سلطانز آخری نمبر پر ہے جس نے اب تک ایک بھی میچ نہیں جیتا ہے۔

مزید پڑھیں :پرائیویٹ عازمین حج اورپرائیویٹ حج آپریٹرز کیلئے پریشان کن خبر،مزید کوٹہ کیلئے سعود ی عرب نے کیا کہا جا نئے