راولپنڈی(نیوزڈیسک) آرمی چیف جنرل عاصم منیر سے سابق کپتان شاہد خان آفریدی کی راولپنڈی میں ملاقات ۔ شاہد خان آفریدی نے آرمی چیف جنرل عاصم منیر سے گفتگو میں کہا کہ ملک میں تفریح کا واحد ذریعہ کرکٹ ہے، محسن نقوی ایک محنتی شخص ہیں جو کرکٹ کے لیے خلوص سے کچھ کرنا چاہتے ہیں۔
شاہد آفریدی کا کہنا تھا کہ اگر پی سی بی کے چیئرمین محسن نقوی وزارتِ داخلہ اور پی سی بی کی چیئرمین شپ میں سے کسی ایک کا انتخاب کریں تو پاکستان کو فائدہ ہو گا، دو عہدوں کے ساتھ وہ کامیاب نہیں ہو سکتے۔ شاہد آفریدی کا کہنا ہے کہ محسن نقوی میں کرکٹ کی بہتری کیلئے بہت زیادہ جوش اور ہمت ہے، کرکٹ فل ٹائم جاب ہے،
وزارتِ داخلہ اور پی سی بی چیئرمین شپ دونوں بڑی ذمے داریاں ہیں، دو بڑے کام ایک ساتھ نہیں ہو سکتے۔ ذرائع کے مطابق قبل ازیں لاہور میں پی سی بی ہیڈ کوارٹر میں ایک میٹنگ میں شاہد آفریدی نے محسن نقوی کے کاموں کی تعریف کی تھی لیکن انہیں یہ بھی کہا تھا کہ وہ اگر وزارت یا پی سی بی میں سے ایک کام کا انتخاب کریں تو اس سے وہ زیادہ بہتر انداز میں توجہ دے سکتے ہیں،
محسن نقوی کے وژن سے پی سی بی کو فائدہ ہو گا۔ ذرائع کے مطابق جون میں امریکا میں ٹی ٹونٹی ورلڈ کپ کے دوران محسن نقوی نے شاہد آفریدی کو پی سی بی میں کام کرنے کی پیشکش کی تھی۔ شاہد آفریدی نے کہا تھا کہ میں اپنی مصروفیات کے باوجود ہر وقت پاکستان کے لیے حاضر ہوں۔
ایرانی مسلح افواج ہائی الرٹ،خلیجی ممالک اورترکی کو بھی انتباہ جاری
