ماؤنٹ مونگا نوئی (اے بی این نیوز)نیوزی لینڈ نے تیسرے ون ڈے میں بھی پاکستان کو 43 رنز سے شکست دے کر تین میچوں کی سیریز میں وائٹ واش کردیا۔
ماؤنٹ مونگا نوئی میں کھیلے گئے میچ کو بارش کے باعث 42 اوورز تک محدود کردیا گیا تھا۔پاکستان نے ٹاس جیت کر فیلڈنگ کا فیصلہ کیا اور میزبان ٹیم نے ایک بار پھر جارحانہ انداز میں کھیلتے ہوئے مقررہ اوورز میں 8 وکٹوں پر 264 رنز بنائے۔کپتان مائیکل بریسویل 59 رنز بناکر نمایاں رہے جبکہ اوپنر ریس ماریو 58 رنز کے ساتھ دوسرے نمایاں بلے باز رہے۔
پاکستان کی جانب سے عاکف جاوید 4 وکٹوں کے ساتھ سرفہرست رہے، نسیم شاہ نے دوکھلاڑیوں کو آؤٹ کیا جبکہ فہیم اشرف اور سفیان مقیم کے حصے میں ایک، ایک وکٹ آئی۔ہدف کے تعاقب میں پاکستانی ٹیم 40 اوورز میں 221 رنز بناکر آؤٹ ہوگئی۔بابر اعظم 50 رنز بناکر نمایاں رہے۔نیوزی لینڈ کے بین سیئرز 5 وکٹوں کے ساتھ ٹاپ باؤلر رہے اور ٹیم کی فتح میں اہم کردار ادا کیا۔
مزید پڑھیں: لاہور،برکی روڈ پر کوسٹر الٹ گئی،14 مسافر شدید زخمی