اسلام آباد (اے بی این نیوز)نیوزی لینڈ کے خلاف پہلے ون ڈے میچ میں سلو اوور ریٹ پر پاکستانی کرکٹ ٹیم پر جرمانہ عائد کر دیا گیا ہے۔

قومی ٹیم پر مقررہ وقت میں 2 اوورز کم کرانے پر میچ فیس کا 10 فیصد جرمانہ عائد کیا گیا ہے۔

یاد رہے کہ ہفتے کے روز کھیلے جانے والے اس میچ میں نیوزی لینڈ نے پاکستان کو 73 رنز سے شکست دی تھی۔ تین ون ڈے میچز پر مشتمل اس سیریز کا دوسرا میچ کل کھیلا جائے گا، جبکہ تیسرا اور آخری میچ 5 اپریل کو شیڈول ہے۔