ولنگٹن (اے بی این نیوز)کیویز کے ہاتھوں 5 میچز کی ٹی20 انٹرنیشنل سیریز میں 1-4 سے شکست کے بعد اسکواڈ کے 8 کھلاڑیوں اور سپورٹ اسٹاف نے ون ڈے اسکواڈ کو جوائن کرلیا۔
پاکستان کرکٹ بورڈ (پی سی بی) کی جانب سے جاری کردہ اعلامیے میں کہا گیا ہے کہ ٹی20 کپتان سلمان آغا، حارث روف، خوشدل شاہ، عرفان خان نیازی، ابرار احمد، سفیان مقیم، محمد علی اور عثمان خان نے ون ڈے سکواڈ کو جوائن کیا ہے۔اسی طرح سیریز میں بدترین فارم کے شکار شاہین شاہ آفریدی اور نائب کپتان شاداب خان سمیت 6 کرکٹر نیوزی لینڈ سے براستہ دبئی وطن واپس پہنچیں گے۔
اِن کھلاڑیوں میں عمیر بن یوسف، حسن نواز، محمد حارث ، عباس آفریدی ، عبدالصمد اور جہانداد خان شامل ہیں۔قومی ٹیم کے فاسٹ بولر حارث رؤف شاندار کارکردگی کا مظاہرہ کرنے پر انہیں ون ڈے اسکواڈ کا بھی حصہ بنایا گیا ہے جبکہ عثمان خان کو موقع دیا گیا ہے۔واضح رہے کہ پاکستان اور نیوزی لینڈ کے درمیان 3 میچز پر مشتمل ون ڈے سیریز کا پہلا معرکہ 29 مارچ کو کھیلا جائے گا۔
مزید پڑھیں: جعفر ایکسپریس 16 روز بعد بحال،پشاور سے کوئٹہ کیلئے روانہ
