راولپنڈی ( اے بی این نیوز)راولپنڈی کرکٹ اسٹیڈیم میں کھیلے جا رہے پریذیڈنٹ ٹرافی کے فائنل میں تین گیندوں پر چار وکٹیں گرنے کا منفرد واقعہ ہوا۔پریزیڈنٹ ٹرافی گریڈ ون کے فائنل میں کھیل کے پہلے روز پی ٹی وی کے خلاف اسٹیٹ بینک کی 3 گیندوں پر 4 وکٹیں گرگئیں۔
پی ٹی وی کے فاسٹ باؤلرمحمد شہزادنے اننگز کے 27 ویں اوور کی تیسری گیند پر عمر امین کو آؤٹ کیا، ان کی اگلی ہی گیند پر فواد عالم آؤٹ ہو گئے۔محمد شہزاد کی پانچویں گیند سے قبل سعود شکیل کو ٹائم آؤٹ قرار دے دیا گیا، اس طرح پانچویں گیند پر محمد شہزاد نے عرفان نیازی کو بولڈ کر دیا، اس کے ساتھ انہوں نے اپنی ہیٹرک مکمل کی۔
پی ٹی وی نے اسٹیٹ بینک کی یکے بعد دیگر تین گیندوں پر چار وکٹیں گرا دیں، واضح رہے کہ کرکٹ قانون کے مطابق وکٹ گرنے یا کسی بیٹر کے ریٹائر ہونے کے بعد نئے بیٹر کو تین منٹ کے اندر وکٹ پر پہنچنا ہوتا ہے نہ پہنچنے کی صورت میں اسے آؤٹ قرار دیا جاتا ہے۔
مزید پڑھیں: امریکی صدر کا افغانستان میں دہشتگردی کیخلاف تعاون پر پاکستان سے اظہار تشکر
