لاہور(اے بی این نیوز)قومی کرکٹ ٹیم کے کپتان محمد رضوان نے کہا ہے کہ نیوزی لینڈ کیخلاف بابراعظم ہی اوپنگ کریں گے، حارث رؤف مکمل فٹ ہے انشاللہ کل کا میچ کھیلے گا۔

پاکستان کرکٹ ٹیم کےکپتان محمد رضوان کی پری میچ پریس کانفرنس میں کہاہماری صلاحیت پرشک نہیں ہونا چاہیے،جب ہمیں کم سمجھا جاتا ہےہم جیت جاتےہیں،اگرانڈر ریٹ میں ہم جیت رہےہیں تو انڈر ریٹ ہی رہنےدو،ہماری محنت زیادہ ہوگی تو اللہ ضرور کامیاب کرے گا۔

نیوزی لینڈکیخلاف پہلےبیٹنگ اسی لئےکی تاکہ پتہ چلےکمی کہاں ہے،جوکمزوریاں تھیں ان پرکام کیا ہے، کوشش یہی کریں گےکل کےمیچ میں کمزوریاں نہ ہوں،میچ آخری موقع پرہاتھ سےنکلتا ہےکوشش کر رہےہیں اس پر قابو پائیں۔

یہ ایونٹ 29 سال بعد ہورہا ہے،پوری قوم کو اس کو انجوائے کرنا چاہیے،ریکارڈ ٹائم میں اسٹیڈیم تیار ہوا ہے،امید ہے آئی سی سی ہمیں مزید ایونٹ کی میزبانی بھی دے گا۔
مزید پڑھیں: ملک کے مختلف شہروں میں بارش اور بالائی علاقوں میں برفباری کی پیشگوئی