لاہور ( نیوز ڈیسک ) چیمپئنز ٹرافی کے گروپ اے میں سیمی فائنل کی مضبوط دعویدار افغانستان کی ٹیم کو شاداب الیون نے 144 رنز کے بڑے مارجن سے ہرادیا۔ جمعہ کے روز لاہور کے قذافی سٹیڈیم میں آئی سی سی چیمپئینز ٹرافی کی تیاریوں کے سلسلے میں پہلا وارم اَپ میچ کھیلا گیا، جس میں پاکستان شاہینز کی کپتانی آل راؤنڈر شاداب خان کررہے تھے۔

پاکستان شاہینز نے مقررہ 50 اوورز میں 314/8 کا بڑا مجموعہ بورڈ پر لگایا، حسین طلعت 70 ،محسن اور عرفان نے بالترتیب 61 اور 57 رنز بنائے۔ ہدف کے تعاقب میں افغانستان کی بیٹنگ یونٹ 38.4 اوورز میں محض 170 رنز پر آؤٹ ہوگئی، شاہینز کے کپتان شاداب خان نے 29 رنز دے کر 3 وکٹیں حاصل کیں۔ دوسری جانب پاکستان شاہینز کا مقابلہ 17 فروری کو کراچی کے نیشنل سٹیڈیم میں جنوبی افریقہ سے ہوگا ۔
مزید پڑھیں: مصطفیٰ عامر کے قتل کا معاملہ ،تحقیقات میں خوفناک انکشافات سامنے آگئے